કોરોના વાયરસ વેક્સીન / 2 વેક્સિનની મંજૂરી બાદ હવે આ કંપની પણ જલ્દી ભારતમાં ઈમરજન્સી યૂઝ માટે એપ્લાય કરી શકે છે

• કોરોના વેક્સીનેશનની શરૂઆત 16 જાન્યુઆરીથી
• 2 વેક્સિન કોવિશિલ્ડ અને કોવેક્સીનને મળી છે મંજૂરી
• સ્પૂતનિક વીને પણ જલ્દી ભારતમાં મળી શકે છે ઈમરજન્સી યૂઝની મંજૂરી

 
કોરોનાની લડાઈમાં બનાવાયેલી નેશનલ કોરોના ટાસ્ક ફોર્સના હેડ ડો. વિનોદ પોલે કહ્યું કે રશિયાની સ્પૂતનિક વી વેક્સિનને  જલ્દીદી જ ભારતમાં ઈમરજન્સી યૂઝ માટે એપ્લાય કરી શકાય છે. મળતી માહિતી અનુસાર સ્પૂનતિકનું છેલ્લા ફેઝનું ટ્રાયલ ભારતમાં ચાલી રહ્યું છે અને તેના પરિણામો આવતાં જ સ્પૂતનિકના ઈમરજન્સી યૂઝ માટે અરજી કરી શકાય છે. 
 

અગાઉ 2 વેક્સિનને મળી છે ઈમરજન્સી યૂઝની મંજૂરી

તેઓએ એમ પણ કહ્યું કે ભારત કોઈ પણ વેક્સિન પ્રોજેક્ટને દેશમાં ઈમરજન્સી યૂઝની અનુમતિ ત્યારે આપશે જ્યારે તેના લોકલ સ્ટડી થાય. ભારતે જે 2 વેક્સિનને ઈમરજન્સી યૂઝની મંજૂરી આપી છે તે બંને વેક્સિનના ટ્રાયલ દેશમાં થયા છે. સીરમ ઈન્સ્ટીટ્યૂટ ઓફ ઈન્ડિયાએ ઓક્સફર્ડ વેક્સીનના પ્રોજેક્ટના ટ્રાયલને ભારતમાં લગભગ 1500 લોકો પર કર્યો. આ જ તેના ઈમરજન્સૂ યૂઝનો આધાર બન્યો.સાથે જ કોવેક્સીનના ટ્રાયલની પ્રક્રિયા પણ ભારતમાં થઈ છે. આ ભારતની સ્વદેશી વેક્સિન છે. 

Pfizerએ પણ માંગી હતી મંજૂરી

અમેરિકાની દવા કંપની Pfizer એ પણ ભારતમાં ઈમરજન્સી યૂઝની મંજૂરી માંગી હતી પણ તેને નકારી દેવામાં આવી છે. તેની પાછળનું કારણ એ છે કે કંપની પાસે ભારતમાં કોઈ ટ્રાયલ થયા હોય તેવી હિસ્ટ્રી નથી. કંપનીએ પોતાની વેક્સિનને ભારતીય લોકો પર કોઈ સ્ટડી કર્યો નથી. કંપનીએ અનેક દેશોમાં ઈમરજન્સી યૂઝની મંજૂરી મેળવી છે. સૌથી પહેલાં બ્રિટને ફાઈઝરની વેક્સિનને ઈમરજન્સી યૂઝની મંજૂરી આપી હતી. આ પછી અમેરિકા અને કેનેડામાં પરમિશન આપવામાં આવી હતી.  
 
ઉલ્લેખનીય છે કે ભારત 16 જાન્યુઆરીથી દુનિયાની સૌથી મોટો વેક્સિન કાર્યક્રમ શરૂ કરવા જઈ રહ્યું છે. આ માટે કોવેક્સીન અને કોવિશિલ્ડના ડોઝ મોટી સંખ્યામાં દેશના અનેક ભાગમાં પહોચી રહ્યા છે.