Video / રશિયાએ 50 વર્ષથી છુપાવી રાખ્યો હતો શક્તિશાળી હથિયાર, હિરોશીમા કરતા 3333 ગણી વધારે તબાહી કરવાની તાકાત

• રશિયાએ જાહેર કર્યો હથિયારના પરીક્ષણનો જૂનો વીડિયો 
• નોર્વેથી પણ દેખાયો હતો આ બોમ્બ વિસ્ફોટ 
• ધમાકાનાં કારણે 5.0ની તિવ્રતાનો ભૂકંપ 

દુનિયાના અનેક દેશોમાં શક્તિશાળી બનવાની હરીફાઈ લાગેલી રહે છે. અમેરિકા હોય કે ચીન બધા દેશો વિશ્વગુરુ બનવા માંગે છે અને હથિયાર જમા કરી રહ્યા છે. અત્યાર સુધી ન્યુક્લિયર હથિયારને જ સૌથી ઘાતક અને ખતરનાક માનવામાં આવે છે અને દુનિયાના ઘણા બધા દેશો પાસે પરમાણુ હથીયારો છે. અત્યાર સુધી અમેરિકાએ જાપાન પર બે વાર પરમાણુ હથિયારોનો ઉપયોગ કર્યો હતો ત્યારથી અત્યાર સુધી કોઈ દેશે પરમાણુ હથિયાર કોઈ દેશ પર હુમલો કર્યો નથી. 

પરંતુ રશિયાએ એક વીડિયો જાહેર કર્યો છે જે આજથી 50 વર્ષ પહેલાનો છે. રશિયાનો આ શક્તિશાળી બોમ્બ હિરોશીમા પર નાખવામાં આવેલ બોમથી 3 હજાર 333 ગણો વધારે શક્તિશાળી છે. જો આ બોમ્બથી કોઈ દેશ પર હુમલો કરવામાં આવે તો તેનાથી જે તારાજી સર્જાશે તેનો અંદાજો પણ લગાવવો મુશ્કેલ છે. 

રશિયાની ઉર્જા એજન્સી દ્વારા આ બોમ્બ પરીક્ષણના ફૂટેજ જાહેર કર્યા છે માનવ ઈતિહાસમાં સૌથી મોટો માનવ નિર્મિત વિસ્ફોટ તેમાં જોઈ શકાય છે. 1961માં 50 મેગાટન થર્મોન્યુક્લિયર બોમ્બથી વિસ્ફોટ કરવામાં આવ્યો હતો.  

આ વિસ્ફોટ આર્કટિક સર્કલ પાસે એક ટાપુ પર 13000 ફૂટ દૂર કરવામાં આવ્યો હતો. આ બોમ્બની શક્તિ હિરોશીમામાં કરવામાં આવેલ બોમ્બવિસ્ફોટથી 3333 ગણી વધારે હતી.  

આ વિસ્ફોટ એટલો મોટો હતો કે નોર્વેથી પણ તે જોઈ શકાયો હતો અને તેના કારણે આકાશમાં મશરૂમ જેવા વાદળો બની વાયુમંડળમાં 213,000 ફૂટ સુધી ફેલાઈ ગયા હતા.  આ બોમ્બ અત્યાર સુધીનો સૌથી શક્તિશાળી પરમાણુ ઉપકરણ હતો. 

આ બોમ્બ નાખતા પહેલા તેના પર એક પેરાશૂટ જોડવામાં આવ્યો હતો જેનાથી તેની સ્પીડ ઓછી થઇ જાય તેની પાયલટ ત્યાં વિસ્ફોટ થાય તે પહેલા નીકળી શકે.
જોકે બોમ્બનો વિસ્ફોટ એટલો બધો હતો કે તેના ઝટકાથી વિમાને તેનું સંતુલન ગુમાવી દીધું હતું, જોકે બાદમાં તે બધા સુરક્ષિત ઉતરવામાં સફળ રહ્યા હતા. 

આ ધમાકાનાં કારણે ભૂકંપ પણ આવ્યો જેની તીવ્રતા રિક્ટર સ્કેલ પર 5.0 જ રહી. આંશિક રૂપથી કરવામાં આવેલ આ વિસ્ફોટ બાદ રશિયા અને અમેરિકામાં 1963માં હવામાં પરમાણુ પરીક્ષણ પર પ્રતિબંધ લગાવવા સહમત થઇ ગયા હતા.