મદદ / રશિયા-અમેરિકાના 'ઓઈલ વોર'ની વચ્ચે ભારત ફાવી ગયું, પુતિને કરી આ મોટી મદદની જાહેરાત

• ભારતને વધારે ઓઈલ આપવાની રશિયાની ઓફર
• રશિયન ડેપ્યુટી પ્રાઈમ મિનિસ્ટર અને પેટ્રોલિયમ મંત્રી પુરી સાથે થઈ ચર્ચા
• અમેરિકાએ રશિયાની ઓઈલ આયાત પર મૂક્યો છે પ્રતિબંધ

રશિયા અને અમેરિકા વચ્ચે ચાલી રહેલા ઓઈલ વોરની વચ્ચે ભારત ફાવી ગયું છે. રશિયાએ હવે ભારતને વધારે ઓઈલ આપવાની સીધી ઓફર કરીને અમેરિકાના લાલ પર તમાચો ઝીંક્યો છે. યુક્રેન સામેના યુદ્ધના પગલે ખિજાયેલા અમેરિકાએ રશિયામાંથી ક્રૂડ ઓઈલ અને કુદરતી ગેસ મંગાવવાનું બંધ કર્યું છે.આ પ્રતિબંધથી જરા પણ વિચલિત થયા વગર હવે રશિયાએ ભારતને વધારે ક્રૂડ આપવાની કરી છે.

હરદીપ પુરી અને રશિયાના ડેપ્યુટી પ્રાઈમ મિનિસ્ટર વચ્ચે ચર્ચા 

શુક્રવારે પેટ્રોલિયમ મંત્રી હરદીપ પુરી અને રશિયાના ડેપ્યુટી પ્રાઈમ મિનિસ્ટર એલેક્ઝાંડર નોવાક વચ્ચે ચર્ચા થઈ હતી. નોવાકે હરદીપ પુરીને વધારે ઓઈલ આપવાની ઓફર કરી છે. રશિયન સરકાર દ્વારા જારી નિવેદન અનુસાર, હરદીપ પુરીએ નોવાક સાથે વાત કરી હતી અને એનર્જી સેક્ટરમાં બન્ને દેશોની વચ્ચેની ભાગીદારી વધારવાની સંભાવના અંગે ચર્ચા કરી હતી. તાજેતરમાં રશિયાના ઓઈલ અને પેટ્રોલિયમ પ્રોડક્ટ્સ એક્સપોર્ટ્સ વધીને 1 બિલિયન ડોલર થયું છે અને આ આંકડામાં વધારાની સંભાવના છે. 

રશિયા ભારતને વધારે ઓઈલ આપવા તૈયાર 
નોવાકે કહ્યું કે અમે રશિયાના ઓઈલ અને ગેસ સેક્ટરમાં ભારતના રોકાણને વધારે આકર્ષિત કરવા ઈચ્છુક છીએ. તેમણે કહ્યું કે અમારો દેશ ભારતને વધારે ઓઈલ આપવા તૈયાર છે. 

Alexander Novak spoke by telephone with Minister of Petroleum and Natural Gas and Minister of Housing and Urban Affairs of India Hardeep Singh Puri https://t.co/WODmptz9HE

— Government of Russia (@GovernmentRF) March 10, 2022

ભારતમાં પેટ્રોલ અને ડીઝલના ભાવ ઘટી શકે 

રશિયાની આ જાહેરાત બાદ ભારત તેની પાસેથી વધારે ઓઈલ ખરીદે તેવી સંભાવના છે. જોકે આવું થાય તો ભારતમાં પેટ્રોલ અને ડીઝલના ભાવ ઘટી શકે છે. 

અમેરિકા-રશિયાના ઓઈલ વોરની વચ્ચે શું જાહેરાત કરી રશિયાએ
રશિયાએ ભારતને વધારે ક્રૂડ ઓઈલ આપવાની ઓફર કરી છે. અમેરિકાએ રશિયા પાસેથી ક્રૂડ ઓઈલ ખરીદવાનો ઈન્કાર કરી દીધો છે.