રશિયન વૈજ્ઞાનિકો દાવો કરે છે કે ઓગસ્ટના મધ્ય સુધીમાં, કોરોના વાયરસની પ્રથમ રસીને (First Vaccine Of Coronavirus in the World) મંજૂરી મળી શકે છે.
કોરોના સંકટ વચ્ચે રશિયન વૈજ્ઞાનિકો દાવો
ઓગસ્ટના મધ્ય સુધીમાં મળી જશે કોરોના વેક્સિન
કોરોના વાયરસ મહામારીને કારણે, વિશ્વના લોકોની લગભગ 7 મહિનાથી ઊંઘ ઉડી ગઈ છે. આ મહામારી સામે અનેક સ્તરે લડવા માટે સફળ અને અસફળ પ્રયાસો કરવામાં આવી રહ્યા છે.
રશિયા તરફથી એક સારા સમાચાર આવ્યા
આ દરમિયાન, રશિયા તરફથી એક સારા સમાચાર આવ્યા છે કે બે અઠવાડિયામાં કોરોના વાયરસ રસી બજારમાં ઉપલબ્ધ થશે. રશિયન વૈજ્ઞાનિકો દાવો કરે છે કે ઓગસ્ટના મધ્ય સુધીમાં, કોરોના વાયરસની પ્રથમ રસી મંજૂર થઈ શકે છે. આનો અર્થ એ કે રશિયા ખૂબ ઝડપથી કોરોના વાયરસની રસી બજારમાં લાવી રહ્યું છે. રશિયન અધિકારીઓ અને વૈજ્ઞાનિકોએ CNN ચેનલને જણાવ્યું હતું કે તેઓ રસીની મંજૂરી માટે 10 ઓગસ્ટ અથવા તે પહેલાં લાવવા તરફ કામ કરી રહ્યા છે.
આરોગ્ય કાર્યકરને રસી લાગુ કરવામાં આવશે
આ રસી મોસ્કોની ગામાલેયા સંસ્થામાં બનાવવામાં આવી છે. આ સંસ્થાના વૈજ્ઞાનિકોનો દાવો છે કે તેઓ આ રસીને સામાન્ય લોકોના ઉપયોગ માટે 10 ઓગસ્ટ સુધીમાં માન્ય કરાવી લઈશું. તેમનું કહેવું છે કે આ રસી કોરોના વાયરસ સામે લડનારા આરોગ્ય કર્મચારીઓને પ્રથમ આપવામાં આવશે. આની પાછળ તેમનો હેતુ છે કે આનાથી કોરોના વાયરસના ચેપનો ફેલાવો ઓછો થશે અને આપણા કોરોના યોદ્ધાઓનો ઉત્સાહ વધશે.
રશિયાના સોવરન વેલ્થ ફંડના વડા કિરિલ મિત્ર્રિવે કહ્યું કે આ ઐતિહાસિક પ્રસંગ છે. આપણે જેમ અવકાશમાં પ્રથમ ઉપગ્રહ સ્પુટનિક છોડ્યું હતું. આ એવી જ ક્ષણ છે. અમેરિકાના લોકો સ્પુટનિક વિશે સાંભળીને આશ્ચર્યચકિત થઈ ગયા, તે જ રીતે તેઓ આ રસીના લૉન્ચ થવાથી હેરાન થઈ જશે.