યુક્રેનમાં છેલ્લા 19 દિવસથી યુદ્ધ લડી રહેલા રશિયાએ હથિયાર ખૂટી પડતા હવે ચીન પાસે હાથ લંબાવ્યો છે.
યુક્રેન યુદ્ધમાં રશિયા પાસે ખૂટી પડ્યાં હથિયારો
ચીન પાસે લંબાવ્યો મદદનો હાથ
ચીનને કહ્યું,હથિયારો અને દારુગોળો આપો
યુક્રેન યુદ્ધના 19મા દિવસે રશિયાએ ચીન પાસેથી મોટી મદદ માગીને તેને હથિયારો પૂરા પાડવાનું કહ્યું છે. અમેરિકાએ એક અધિકારીએ દાવો કર્યો છે કે હાલમાં રશિયા પાસે યુદ્ધ લડી શકે તેવા હથિયારો નથી અને તેણે ચીન પાસે મદદ માગવાનો વારો આવ્યો છે.
ચીન અને અમેરિકા વચ્ચે તણાવ વધ્યો
અમેરિકાના એક અધિકારીએ કહ્યું છે કે રશિયાએ ચીન પાસે યૂક્રેન પર થયેલા હુમલામાં ઉપયોગ કરવા માટે સૈન્ય ઉપકરણો માંગ્યા છે. તેમની વિનંતીથી સોમવારે રોમમાં એક બેઠકના પગલે યુદ્ધને લઈને અમેરિકાના ટોચના સાથી દેશો અને ચીનની સરકાર વચ્ચે તણાવ વધ્યો છે.
વાતચીત પહેલા વ્હાઈટ હાઉસના રાષ્ટ્રીય સુરક્ષા સલાહકાર જેક સુલિવાને ચીનને ખુલ્લી ચેતવણી આપી હતી કે તે રશિયાને વૈશ્વિક પ્રતિબંધોથી બચાવવામાં મદદ ન કરે. આ વૈશ્વિક પ્રતિબંધોની અસર રશિયાના અર્થતંત્ર પર પડી છે. તેમણે કહ્યું, "અમે આવું થવા દેવાના નથી."
રશિયાને ચીનની આર્થિક સહાય મળતા બાઈડન ચિંતિત
એક છે. અમેરિકાના એક અધિકારીએ નામ ન આપવાની શરતે જણાવ્યું હતું કે, હાલના દિવસોમાં રશિયાએ ચીન પાસે લશ્કરી સાધનો સહિત અન્ય મદદ માગી છે. આ અંગેના પ્રથમ સમાચાર ફાઇનાન્સિયલ ટાઇમ્સ અને ધ વોશિંગ્ટન પોસ્ટે આપ્યા હતા.બિડેન વહીવટીતંત્રે ચીન પર રશિયા વિશે ખોટી માહિતી ફેલાવવાનો પણ આરોપ લગાવ્યો છે, જે રશિયન રાષ્ટ્રપતિ વ્લાદિમીર પુતિનની સેના માટે યુક્રેન પર રાસાયણિક અથવા જૈવિક શસ્ત્રોથી હુમલો કરવાનું બહાનું હોઈ શકે છે. બિડેન વહીવટીતંત્રના અધિકારીઓનું કહેવું છે કે બેઇજિંગ રશિયાના ખોટા દાવાઓનો પ્રચાર કરી રહ્યું છે કે યુક્રેન યુ.એસ.ની મદદથી રાસાયણિક અને જૈવિક શસ્ત્રોની પ્રયોગશાળાઓ ચલાવી રહ્યું છે.