કમાલ / દુનિયાનો એક એવો દેશ, જ્યાં ભારતથી 2 લાખ વધુ કેસ હોવા છતાં મૃત્યુદર ઓછો

• રશિયામાં ભારતથી પણ 2 લાખ કેસ વધુ અને મૃત્યુદર ઓછો
• ભારતથી 2 લાખથી વધુ કેસ, મોત 2200 ઓછા
• રશિયાએ ભારતથી બમણા ટેસ્ટ કર્યા

કોરોના વાયરસ હવે લોકોમાં ડર ફેલાવી રહ્યો છે. ભારતમાં લૉકડાઉનના સમયે થોડું નિયંત્રણ જોવા મળ્યું હતું. દેશમાં અનલૉક-1 આવતાં જ કેસમાં સતત વધારો થઈ રહ્યો છે. શુક્રવારે લગભગ 11 હજાર નવા કેસ આવતાં દેશનો કુલ આાંક 3.10 લાખને પાર પહોંચ્યો છે. ભારતમાં હાલમાં 1.46 લાખ એક્ટિવ કેસ છે જ્યારે 8900થી વધુ લોકો જીવ ખોવી ચૂક્યા છે. લગભગ 1.54 લાખ લોકો કોરોનાને હરાવીને સ્વસ્થ થયા છે. જ્યારે 9000ની સ્થિતિ ગંભીર છે. 

રશિયામાં ભારતથી પણ 2 લાખ કેસ વધુ અને મૃત્યુદર ઓછો

કોરોનાનો કહેર ફક્ત ભારતમાં જ નહીં પણ દુનિયામાં છે. લગભગ 200 દેશોમાં રોજ કોરોનાના નવા કેસ આવી રહયા છે. લગભગ 150 દેશમાં તેના કારણે રોજ મોત પણ થઈ રહ્યા છે. સૌથી વધારે કેસ અને મોત અમેરિકામાં થયા છે. વર્લ્ડોમીટર અનુસાર ભારત સૌથી વધારે કેસ સાથે ચોથા નંબરે અને મૃત્યુદરના મામલે 9મા નંબરે છે. દુનિયામાં ફક્ત રશિયા એવો દેશ છે જ્યાં કેસ ભારતથી પણ 2 લાખ જેટલા વધારે છે અને મૃત્યુદર ભારતથી 2200 જેટલો ઓછો છે. 

રશિયામાં થઈ ચૂક્યા છે 6700 મોત

રશિયામાં હાલ સુધીમાં 5.11 લાખ કેસ સામે આવી ચૂક્યા છે. વર્લ્ડોમીટર અનુસાર તેમાંથી 2.78 લાખ લોકો સંક્રમિત થયા બાદ ફરી સ્વસ્થ થયા છે. લગભગ 2.35 લાખ લોકો હજુ પણ વાયરસથી સંક્રમિત છે. રશિયામાં હાલ સુધીમાં 6715 લોકોના મોત થઈ ચૂક્યા છે. 

2 લાખથી વધુ કેસ, મોત 2200 ઓછા

ભારત અને રશિયાની તુલના કરીએ તો રશિયામાં ભારતથી 2 લાખ વધુ કેસ છે. મોત ભારતમાં વધારે છે. ભારતમાં અત્યાર સુધીમાં 8900 લોકો મૃત્યુ પામ્યા છે. આ સંખ્યા રશિયાની સરખામણીએ 2200 જેટલી વધારે છે. 

રશિયાએ ભારતથી બમણા ટેસ્ટ કર્યા

ટેસ્ટ રેટ અને ડેથ રેટની વાત કરીએ તો બંનને દેશોમાં મોટું અંતર છે.રશિયાએ 11.36 કરોડ ટેસ્ટ કર્યા તો ભારતે 54 લાખ. રશિયાએ ભારતથી બમણા ટેસ્ટ કર્યા છે. રશિયાનો ટેસ્ટ રેટ 97 હજાર છે જ્યારે ભારતનો ટેસ્ટ રેટ લગભગ 3900 છે. ડેથ રેટમાં ભારત છઠ્ઠા ક્રમે અને રશિયા 46મા ક્રમે આવે છે. 

અમેરિકા - બ્રાઝિલમાં ભારતથી વધારે મોત

દુનિયામાં ત્રણ જ દેશ છે જ્યાં ભારતથી વધારે કેસ સામે આવ્યા છે. તેમાં રશિયા સિવાય અમેરિકા અને બ્રાઝિલ છે. અમેરિકામાં 21 લાખ અને બ્રાઝિલમાં 8.10 લાખ કેસ છે. કેસની જેમ મોતમાં પણ આ બંને દેશ ભારતથી આગળ છે. અમેરિકામાં અત્યાર સુધીમાં 1.16 લાખ લોકોના મોત થયા છે અને બ્રાઝિલમાં 41 હજારના મોત થયા છે.