યુક્રેન પર રશિયાના હુમલાનો આજે સાતમો દિવસ છે. યુક્રેનના કેટલાય શહેરોમાં યુદ્ધના કારણે તબાહી મચેલી છે. તો વળી રશિયા પર પણ તેની માઠી અસર વર્તાઈ રહી છે.
યુક્રેન પર આક્રમણનો આજે સાતમો દિવસ
રશિયા પર કેટલાય દેશોએ લગાવ્યો છે પ્રતિબંધ
રશિયા વેઠી રહ્યું છે માઠી અસર
યુક્રેન પર રશિયાના હુમલાનો આજે સાતમો દિવસ છે. યુક્રેનના કેટલાય શહેરોમાં યુદ્ધના કારણે તબાહી મચેલી છે. તો વળી રશિયા પર પણ તેની માઠી અસર વર્તાઈ રહી છે. રશિયાની આક્રમતાને જોતા અમેરિકા સહિત તમામ પશ્ચિમી દેશોએ મોટા આર્થિક પ્રતિબંધો લગાવી દીધા છે. રશિયાઈ બેંકો પર મોટા પ્રતિબંધો લગાવ્યા છે, જેના કારણે તેના ગ્રાહકો ખૂબ મુશ્કેલીઓનો સામનો કરી રહ્યા છે. ડોલરની સરખામણીએ રશિયન ચલણ રુબલમાં ભારે નબળાઈ આવી છે.
રશિયામાં અમીર માણસોથી લઈને ગરીબ સુધી, તમામ લોકો રોકડ રકમ માટે હોબાળો મચાવી રહ્યા છે. કારણ કે, રશિયાની બેંકીંગ સિસ્ટમ પર પશ્ચિમી પ્રતિબંધોની ઊંડી અસર થઈ છે. ખાદ્ય કિંમતોમાં પણ ભારે વધારો થઈ રહ્યો છે, જેનાથી રશિયાનો સામાન્ય નાગરિક પરેશાન છે.
В Москве и других городах России перед банкоматами собираются огромные очереди. Фото сделано в 5 часов утра. pic.twitter.com/lpSrIM4Ao9
રશિયન ચલણમાં ધબડકો થયા બાદ સામાન્ય લોકોની બચત પ્રભાવિત થઈ છે. આ કારણે હતાશ થયેલા લોકો પોતાના પૈસા ઉપાડવા માટે એટીએમ બહાર લાંબી લાઈનો લગાવી રહ્યા છે.
અમેરિકાએ પશ્ચિમી દેશોમાં રશિયાની કેન્દ્રીય બેંકોની સંપત્તિને ફ્રીઝ કરી દીધી છે. રશિયાની વૈશ્વિક બેંકીંગ સિસ્ટમ સ્વિફ્ટ સિસ્ટમથી કાપી નાખવાની પણ વાત થઈ રહી છે. તેનાથી રશિયાને દરરોજ અણધાર્યું નુકસાન વેઠવાનો વારો આવશે.
અમેરિકાએ એવા પણ સંકેતો આપ્યા છે કે, રશિયાના ડાયરેક્ટ ઈન્વેસ્ટમેંટ ફંડને સમગ્રપણે રોકી દેવામાં આવશે. તેનાથી રશિયાને 630 અબજ અમેરિકી ડોલરનું નુકસાન થશે. રશિયાને આ નુકસાન ખૂબ ભારે પડવાનું છે.
રશિયા આવી શકે છે મંદીની ચપેટમાં
ઓસ્ટ્રેલિયાની એક ન્યૂઝ વેબસાઈટે પોતાના રિપોર્ટમાં જણાવ્યું છે કે, નિષ્ણાંતો કહી રહ્યા છે, તે પ્રમાણે પ્રતિબંધોથી રશિયામાં અરાજકતા આવી છએ અને દેશ ટૂંક સમયમાં જ મંદીની ચપેટમાં આવી શકે છે .સિડની યુનિવર્સિટીની એસોસિએટ પ્રોફેસર એલિઝા વૂનું કહેવું છે કે, રશિયા હાલમાં સંકટ જેવી સ્થિતિનો સામનો કરી રહ્યું છે.
રશિયામાં બેરોજગારી વધશે
એલિઝા વૂ કહે છે કે, રશિયા માટે જંગનો આર્થિક ખર્ચ મોટું નુકસાન લઈને આવશે. જેના કારણે નિશ્ચિત પણે બેરોજગારીની સમસ્યા આવશે. કારણ કે, લોકો બેંકોમાંથી પૈસા ઉપાડવા લાગ્યા છે, તો બેંકોને પણ પૈસાની કમીનો સામનો કરવો પરડશે અને કેટલીય બેંકો દેવાળીયું ફુંકી શકે છે.
પ્રતિબંધોથી બચવા માટે પુતિને ઉઠાવ્યા પગલાં
રશિયાના રાષ્ટ્રપતિ વ્લાદિમીર પુતિને આર્થિક પ્રતિબંધોનો સામનો કરવા માટે અને નુકસાનની ભરપાઈ કરવા માટે કેટલાય પગલા ભરી રહ્યા છે. તેમણે વિદેશોમાં રોકડ મોકલવા પર પ્રતિબંધ લગાવી દીધો છે અને નિકાસકારોને પોતાની કમાણીનો 80 ટકા ભાગ રૂબલમાં બદલવાનો આદેસ આપ્યો છે. સેન્ટ્રલ બેંક ઓફ રૂશે પણ વ્યાજદરને 9.5 ટકાથી વધારીને 20 ટકા કરી દીધું છે.