રશિયામાં કોરોના વાયરસની રસીની માંગ એટલી બધી વધી ગઈ કે હવે તેના ટ્રાયલને રોકી દેવામાં આવ્યું છે. આ રસી પર ભારતમાં પણ ટ્રાયલ કરવામાં આવી રહ્યા છે.
રશિયામાં સ્પુતનિક વીના ટ્રાયલને રોકી દેવામાં આવ્યું
વધુ માંગ અને ડોઝની કમીના કારણે લેવાયો નિર્ણય
ભારતમાં પણ આ રસી પર થશે ટ્રાયલ, જે માર્ચ સુધી ચાલે તેવી આશા
રસી પર ટ્રાયલ રોકાવું એ ઝટકો :
રશિયામાં કોરોનાની રસીનું ટ્રાયલ અચાનક જ રોકી દેવાયું છે. આ રસીના ડૉઝની માંગ ખૂબ વધારે છે જ્યારે તેની સામે ડોઝન ઓછા હોવાના કારણે વેક્સિનનું ટ્રાયલ રોકી દેવામાં આવ્યું છે. ગુરુવારે ટ્રાયલ ચલાવતા એક ફર્મમાં પ્રતિનિધિએ નિવેદન આપ્યું કે આ મહત્વપૂર્ણ રસીની યોજના પર રોક લગાવવું ખૂબ મોટો ઝટકો છે.
કેટલા લોકો પર થઇ રહી છે આડઅસર ?
નોંધનીય છે કે રશિયાની સ્પુતનિક વી નામક રસીના કારણે 85 ટકા લોકો પર કોઈ જ પ્રકારની આડઅસર જોવા મળી નથી. આ વેકિસનને તૈયાર કરનાર ગામ્લેયા રિસર્ચ સેન્ટરના હેડએ આ જાણકારી આપી હતી. તેમણે કહ્યું કે કોરોના વાયરસની રસીની આડઅસર માત્ર 15 ટકા લોકો પર જોવા મળી છે.
ભારતમાં પણ આ રસીને કારણે આશા :
ભારતમાં રશિયાની આ વેક્સિનનું ટ્રાયલ કરવામાં આવી રહ્યું છે અને તે ટ્રાયલ હવે માર્ચ મહિનામા સમાપ્ત થાય તેવી સંભાવના છે. ભારતના હૈદરાબાદમાં ફાર્મા કંપની ડૉ. રેડ્ડીમાં રશિયાની રસી પર ટ્રાયલ થઇ રહ્યા છે. ડૉ રેડ્ડીએ કહ્યું કે રશિયાના આ વેક્સિનના ત્રીજા ચરણના માનવ પરીક્ષણ માર્ચ મહિના સુધી સમાપ્ત થાય તેવી આશા છે.
ભારતમાં ટ્રાયલ કરવા માટે મળી ગઈ છે મંજૂરી :
નોંધનીય છે કે રશિયાએ જ વિશ્વમાં સૌથી પહેલા રસી શોધી લીધી હોવાનો દાવો કર્યો હતો. આ રસી માટે ભારતમાં પણ ડ્રગ કંટ્રોલર જનરલ દ્વારા ટ્રાયલ કરવા માટે મંજૂરી આપી દેવામાં આવી છે આ સિવાય ICMRએ પણ તેના માટે સહમતી દર્શાવી છે.