દુર્ઘટના / રશિયાના સાઇબેરિયામાં કોલસાની ખાણમાં પ્રચંડ વિસ્ફોટ, 51 લોકોના મોત, બચાવકાર્ય સ્થગિત

• સાઈબેરિયાની કોલસાની ખાણમાં  પ્રચંડ વિસ્ફોટ થતાં આગ લાગી 
• આ દુર્ઘટનામાં 51 લોકોએ જીવ ગુમાવ્યો 
• જોખમી સ્થિતિના કારણે બચાવકાર્ય સ્થગિત કરવું પડ્યું 

સાઈબેરિયાની એક કોલસાની ખાણમાં  પ્રચંડ વિસ્ફોટ બાદ ભીષણ આગ લાગી 

રશિયાના સાઈબેરિયામાં એક કોલસાની ખાણમાં  પ્રચંડ વિસ્ફોટ બાદ લાગેલી ભીષણ આગમાં 51 લોકો સ્વાહા થઈ ગયા છે અને ફસાયેલા લોકો જીવતા હોવાની આશા ધૂંધળી બની છે,આ આફત વચ્ચે દુખની વાત એ છે કે બચાવ ટીમ તૈયાર છે પરંતુ વિસ્ફોટથી સર્જાયેલી જોખમી સ્થિતિના કારણે બચાવકાર્ય સ્થગિત કરી દેવું પડ્યું છે, ત્યારે રશિયાની આ ભૂગર્ભીય આફતનું કેવું છે  

વિસ્ફોટથી સર્જાયેલી જોખમી સ્થિતિના કારણે બચાવકાર્ય સ્થગિત કરવું પડ્યું 

રશિયાના સાઇબેરિયાની એક કોલસાની ખાણમાં પ્રચંડ વિસ્ફોટ બાદ ભીષણ આગ લાગી ગઈ હતી. જેના કારણે ખાણમાં ફસાયેલા અનેક ખાણિયાઓના મોત થઈ ગયા છે. જ્યાં દુર્ઘટના સર્જાઈ છે તે ખાણ કેમેરોવો વિસ્તારમાં આવેલી છે, આ દુર્ઘટનામાં 52 લોકો માર્યા ગયા હોવાની માહિતી મળી રહી છે, તો બીજા 40થી વધારે લોકો ઘાયલ થયા છે જેઓ ઝેરી ધુમાડાથી અસરગ્રસ્ત થયા છે. ઘાયલ લોકોને વિવિધ હોસ્પિટલમાં સારવાર ચાલી રહી છે, રિજિયનલ ગવર્નરે હોસ્પિટલ પહોંચીને ઘાયલ લોકોની મુલાકાત લીધી હતી. જો કે, આ દુર્ઘટનામાં એક વ્યક્તિ જીવતી મળી આવી છે. આ દુર્ઘટનામાં મોતને ભેટનારામાં બચાવદળની ટુકડીઓ પણ સામેલ છે, વિસ્કોટમા જીવ ગુમવનારા લોકોના સ્વજના હૈયાફાટ આક્રંદથી બર્ફીલા  પ્રદેશમાં વધારે ગમગીની સર્જાઈ હતી. 
 
 

વેન્ટિલેશનમાં કોલસાના રજકણો જામી ગયા બાદ તેમાં મિથેન ભળતા આ બ્લાસ્ટ થયો  

આપને જણાવી દઈ કે, ખાણની ટનલના વેન્ટિલેશન શાફ્ટમાં કોલસાના રજકણો જામી ગયા બાદ તેમાં મિથેન ભળતા આ બ્લાસ્ટ થયો હતો. જ્યાં દુર્ઘટના સર્જાઈ છે તે ખાણ રશિયાના પાટનગર મોસ્કોથી ત્રણહજાર પાંચ સો કિલોમીટર દૂર છે.આ આફત વચ્ચે દુખની વાત એ છે કે બચાવ ટીમ તૈયાર છે પરંતુ વિસ્ફોટથી સર્જાયેલી જોખમી સ્થિતિના કારણે બચાવકાર્ય સ્થગિત કરી દેવું પડ્યું છે, આગના કારણે મિથેન અને કાર્બન મોનોક્સાઈડ ગેસ ફેલાઈ જવાના કારણે બચાવકર્મીઓ ખાણમાં જઈ શકે તેમ નથી. હજુ ખાણમાં 31 લોકો ફસાયા હોવાનું અનુમાન છે.પરંતુ  જે લોકો  હજુ ખાણમાં ફસાયા છે તે લોકોની બચવાની કોઈ આશા જણાતી નથી

રાષ્ટ્રપતિ વ્લાદિમીર પુટીને આ દુર્ઘટનામાં માર્યા ગયેલા લોકો પ્રત્યે સંવેદના વ્યક્ત કરી 

રાષ્ટ્રપતિ વ્લાદિમીર પુટીને આ દુર્ઘટનામાં માર્યા ગયેલા ખનનકર્મીઓ પ્રત્યે સંવેદના વ્યક્ત કરી છે, અને તેમને આવશ્યક સહાય પૂરી પાડવાનું કહ્યું છે, તો સ્થાનિક અધિકારીઓએ ત્રણ દિવસના શોકની જાહેરાત કરી હતી, રશિયન તપાસ સમિતિએ સુરક્ષા નિયમોના ભંગ અને દુર્ઘટના કારણોની તપાસ શરૂ કરી દીધી છે, હાલ ખાણ નિર્દેશક અને મેનેજરને અટકાયતમાં લેવામાં આવ્યા છે