મંજૂરી / વિશ્વની સૌથી પહેલી કોરોના વૅક્સિન રશિયાએ લૉન્ચ કરી, જુઓ સૌપ્રથમ ડોઝ કોને અપાયો

• રશિયાએ કોરોનાની વેક્સિન બનાવ્યા હોવાનો દાવો
• રાષ્ટ્રપતિ પુતિનની દીકરીને પ્રથમ વેક્સિન અપાઇ
• રશિયાના આરોગ્ય મંત્રાલયે વેક્સિનને આપી મંજૂરી

કોરોના વાયરસ વેક્સિન પર રશિયાએ રાષ્ટ્રપતિ પુતિને મોટું એલાન કર્યું છે. તેમનું કહેવું છે કે, હેલ્થ મિનિસ્ટ્રીના અપ્રૂવલ બાદ કોરોનાનો પહેલો ડોઝ રશિયામાં લોન્ચ કરી દીધો છે. પુતિને એમ પણ જણાવ્યું કે, આ કોરોનાની રસી સૌથી પહેલા તેમની દીકરીને લગાવવામાં આવી છે.

રશિયા પહેલા જ જણાવી ચૂક્યું હતું કે તેમનું વેક્સિન બનાવવા માટેનું કામ પૂર્ણ થઇ ચૂક્યું છે અને તેઓ વેક્સિન લોન્ચ કરવાના છે. જણાવી દઇએ કે રશિયાના મૉસ્કોમાં એક મૉસ્કો ગમેલિયા ઇન્સ્ટિટ્યૂટ છે, તેણે આ કોરોના વેક્સિનને બનાવી છે.

રશિયામાં કોણે બનાવી વેક્સિન

રશિયાનું ગમલેયા રિસર્ચ ઇન્સ્ટીટ્યૂટ આ વેક્સિન બનાવી રહ્યું છે. રશિયાએ દાવો કર્યો છે કે ઓક્ટોબર મહિના સુધીમાં રશિયામાં વેક્સિન મળતી થઇ જશે. જો કે વેક્સિનનો વૈજ્ઞાનિક ડેટા જાહેર ન કરતા કેટલાક દેશોએ વિરોધ કર્યો છે.

રશિયામાં તમામને આપવામાં આવશે વેક્સિન

રશિયા હવે સપ્ટેમ્બરમાં આ વેક્સિનનું મોટા પ્રમાણમાં ઉત્પાદન શરૂ કરી શકે છે. બાદમાં ઓક્ટોબરથી રશિયામાં સૌને રશી આપવાનું શરૂ કરી દેવામાં આવશે. આ દુનિયાની પહેલી એવી કોરોના વેક્સિન બની ગઇ છે જેને રેગુલેટરી અપ્રૂવલ મળ્યું છે. જણાવવામાં આવ્યું હતું કે, વેક્સિન રશિયામાં તમામને આપવામાં આવશે જેથી કોરોના વાયરસ વિરૂદ્ધ ઉમ્યુનિટી મળી શકે. આ વેક્સિનથી કોઇ પ્રકારનું નુકસાન કે રિએક્શનના સંકેત નથી મળ્યા.