રશિયાએ કોરોનાની રસી બનાવી દીધી છે. રેસમાં બાજી મારતા મંગળવારે કોરોનાની રસી બનાવવાની જાહેરાત કરી હતી. રશિયાના રાષ્ટ્રપતિ વ્લાદિમીર પુતિને જાહેરાત કરી હતી કે અમે કોરોનાની સુરક્ષિત રસી બનાવી દીધી છે અને દેશમાં રજિસ્ટર્ડ પણ કરાવી લીધી છે. મે મારી બન્ને દિકરીઓમાંથી એકને પહેલી રસી લગાવી છે અને તેને સારુ લાગી રહ્યુ છે. જો કે ડબ્લ્યુએચઓએ કહ્યું કે તેમની પાસે હજુ સુધી રશિયા દ્વારા વિકસીત રસી અંગે કોઈ જાણકારી નથી. WHO એ રુસને રસીના મામલામાં ઉતાવડ ન બતાવવા કહ્યુ છે. તેમણે રુસના આ વલણને ખતરનાક પણ ગણાવ્યું છે.
WHO એ રુસને રસીના મામલામાં ઉતાવડ ન બતાવવા કહ્યુ છે
WHOએ રુસના આ વલણને ખતરનાક પણ ગણાવ્યું છે
WHO એ રસીના ત્રીજા ચરણમાં ટેસ્ટિંગને લઈને શંકા છે
રશિયાએ રસીનું નામ પહેલા સેટેલાઈટ સ્પુતનિક વી ના નામ પરથી રાખ્યુ છે. રશિયાના સ્વાયત ધન નિધિના પ્રમુખનું કહેવું છે કે આ રસી માટે 1 અરબ ડોઝ માટે 20 થી વધારે દેશઓનું નિવેદન મળી ચૂક્યું છે. બીજી તરફ WHOએ કહ્યું છે કે તેમની સાથે રશિયાએ રસી સાથે જોડાયેલી ટેસ્ટિંગ પ્રક્રિયા સાથે જોડાયેલી કોઈ માહિતી શેર નથી કરી. WHO એ રસીના ત્રીજા ચરણમાં ટેસ્ટિંગને લઈને શંકા છે. સંગઠનના પ્રવક્તા ક્રિસ્ટિયન લિંડમિયરે પ્રેસ બ્રીફિંગ દરમિયાન રહ્યું કે રસી ત્રીજા ચરણના ટ્રાયલ વગર તેના ઉત્પાદન માટે લાઈસન્સ જાહેર કરી દીધું છે. જેને ખતરનાક માનવામાં આવી રહ્યું છે.
વિશ્વ સ્વાસ્થ્ય સંગઠન અંતર્ગત આવનારા પૈન અમેરિકન હેલ્થ ઓર્ગેનાઈઝેશનના મદદનિશ ડિરેક્ટર જરબાસ બારબોસાએ કહ્યું કે મળતી માહિતી મુજબ બ્રાઝિલે રસી બનાવવાનું શરુ કરશે. પરંતુ જ્યાં સુધી ટ્રાયલ પુરું નહીં થાય ત્યાં સુધી આ નહીં થાય. તેમણે કહ્યું કે રસી બનાવવ માટે અને પ્રક્રિયાનું પાલન કરવું પડે છે. જે સુનિશ્ચિત કરે કે રસી સલામત છે અને વિશ્વ સ્વાસ્થ્ય સંગઠને તેને સમર્થન આપ્યુ છે. છેલ્લા કેટલાક મહિનાઓથી વિશ્વ સ્વાસ્થ્ય સંગઠને રુસને આગ્રહ કર્યો હતો કે તે કોરોનાની વિરુદ્ધ રસી બનાવવા માટે આંતરરાષ્ટ્રીય ગાઈડલાઈનું પાલન કરે.
રશિયાના રાષ્ટ્રપતિ વ્લાદિમીર પુટિને મંગળવારે જણાવ્યું હતું કે હેલ્થ મિનિસ્ટ્રીએ પોતાના દેશમાં બનેલી કોરોના વાયરસની રસીને આખરે મંજૂરી આપી દીધી છે. પુટિને કહ્યું કે આ રસી (Covid -19 Vaccine) ની રસી પહેલેથી જ તેમની પુત્રીને આપી દેવાઈ છે. જો કે તેમણે સ્પષ્ટતા નથી કરી કે તેમણે પોતે રસી લીધી હતી કે નહીં. તેમજ તેમણે કહ્યું હતું કે તમામ ફ્રન્ટલાઈન કોરોના વોરિયર્સથી માંડીને તમામને રસી આપવામાં આવશે. તેમજ તેમનો દાવો છે કે રસી તમામ માપદંડોમાં પાર ઉતરી છે.
નોંધનીય છે કે આ બધા સવાલોના જવાબમાં રશિયાના સ્વાસ્થ્ય મંત્રાલયના મહામારીના વિશેષજ્ઞ નિકોલઈ બિક્રોએ કહ્યું કે રશિયાએ રસી બનાવવાની શરૂઆત એકદમ જીરોથી નથી કરી એટલે અમે આટલા ઓછા સમયમાં કોરોનાની રસી લોન્ચ કરી દેવામાં સક્ષમ છે. ગમાલ્યા રિસર્ચ સેન્ટર આ પ્રકારની રસી બનાવવામાં પ્રખ્યાત છે.
નોંધનીય છે કે કોરોના વાયરસની રસી માટે કરવામાં આવેલ ટ્રાયલમાં ઇન્સ્ટીટયુટ દ્વારા અત્યાર સુધી બીજા અને ત્રીજા ટ્રાયલના આંકડા સાર્વજનિક કરવામાં આવ્યા નથી. કોઈ પણ રસી તૈયાર કરવામાં બીજું અને ત્રીજું ટ્રાયલ ખૂબ અગત્યનું હોય છે. WHOએ પણ કહ્યું છે કે તેમની પાસે માત્ર ફેઝ વનના જ આંકડાઓ છે.
ટ્રાયલસાઈટ નામની એક વેબસાઈટના અહેવાલ અનુસાર આ રસીમાં ફેઝ વન પૂર્ણ થયાને એક મહિનો પણ નથી થયો. આ હિસાબથી રસી બીજા ફેઝમાં જ છે. એવામાં શક્યતા છે કે રશિયાએ ત્રીજા ફેઝ વગર જ રસી ઉતારી દીધી. બીજી તરફ અન્ય કંપનીઓ દ્વારા ત્રીજા ફેઝમાં ઓછામાં ઓછા 30 હજાર લોકો પર ટ્રાયલ કરી રહી છે. આ ટ્રાયલ પૂરો થવામાં અમુક મહિનાનો સમય તો લાગી જ શકે છે.