રશિયાની કોરોના વાયરસ વેક્સિન સ્પુટનિક - Vના તાજેતરમાં થયેલા ત્રીજા તબક્કાના ટ્રાયલના જોરદાર પરિણામો સામે આવ્યા છે.
કોરોનાની જંગમાં આ દેશની વૅક્સિને કર્યો કમાલ
સ્પુટનિક - Vના ત્રીજા તબક્કાના સારા પરિણામો આવ્યા સામે
સ્ટોરેજ અને ટ્રાન્સપોર્ટને સરળ
ધ લિન્સેટમાં મંગળવારે પ્રસિદ્ધ થયેલા રિપોર્ટ પ્રમાણે કોવિડ-19 સામેની આ જંગમાં 92 ટકા સફળ નીવડી છે. તેને એક સુરક્ષિત વેક્સિન માનવામાં આવે છે જે હોસ્પિટલાઇઝેશન તથા મોતના જોખમને ઓછું કરી શકે છે. આ વેક્સિન રોલ આઉટ થતાં ફાઈનલ ટ્રાયલ ડેટા રિલીઝ થવા સુધી વિવાદમાં ઘેરાયેલી જોવા મળી હતી.
જો કે, હવે વૈજ્ઞાનિકો તેના શાનદાર પ્રદર્શનના દાવા કરી રહ્યા છે. આ વેક્સિન ફાઇઝર, ઓક્સફોર્ડ-એસ્ટ્રાજેનેકા, મોડર્ના તથા જોનસન જેવી લીડિંગ વેક્સિનની યાદીમાં સામેલ થઈ ગઇ છે. સ્પુટનિક - V બ્રિટનમાં વિકાસ પામેલ ઓક્સફર્ડ-એસ્ટ્રાજેનેકાની કી વેક્સિન તથા બેલ્જિયમમાં બનેલી જોનસન વેક્સિનની જેમ કામ કરી શકે છે.
સ્ટોરેજ અને ટ્રાન્સપોર્ટને સરળ
વેક્સિનેટ થયાં બાદ શરીર વિશેષ રીતે કોરોના વાયરસ વિરૂદ્ધ એન્ટીબોડી પ્રોડ્યૂસ કરવાનું શરૂ કરે છે. એટલે કે જ્યારે કોરોના વાયરસ શરીર પર હુમલો કરે છે ત્યારે ઇમ્યુનિટી સિસ્ટમ તેની સામે લડવા માટે તૈયાર રહે છે. આ વેક્સિન 2થી8 ડિગ્રી સેલ્સિયસ પર સરળતાથી રાખી શકાય છે. જે તેના સ્ટોરેજ અને ટ્રાન્સપોર્ટને સરળ બનાવે છે.
જો કે, અન્ય વેક્સિનથી વિપરીત સ્પુટનિક - V પ્રથમ અને બીજા ડોઝ માટે વેક્સિનના અલગ-અલગ વર્ઝન માટે ઉપયોગમાં લેવાતી હોય છે. આ બંન્ને કોરોનાના ખાસ સ્પાઇકને ટાર્ગેટ કરે છે પરંતુ બોડીમાં સ્પાઇકને પહોંચાડવા વાળા વાયરસને અસર મુક્ત બનાવવા માટે અલગ વેક્ટર્સનો ઉપયોગ કરાય છે.
વેક્સિન લીધા બાદ કોઇ સાઇડ ઇફેક્ટ જોવા મળતી નથી
એક્સપર્ટ માને છે કે, 2 અલગ ફોર્મ્યૂલા ઇમ્યૂન સિસ્ટમને બૂસ્ટ કરવા માટે એક જ વર્ઝનનો બે વખત પ્રયાસ કરવો ફાયદાકારક છે. તેનાથી શરીરને લાંબા સમય સુધી સુરક્ષા મળી રહે છે. સાથે જ તે પ્રભાવશાળી પણ છે. ટ્રાયલ દરમિયાન તેમા કોઇપણ પ્રકારની સાઇડ ઇફેક્ટ જોવા મળતી નથી.