કોરોના વાયરસના કારણે વિશ્વના ઘણા દેશોમાં લોકડાઉન જાહેર કરી દેવામાં આવ્યું છે. લોકડાઉન વચ્ચે વિશ્વભરથી વિવિધ પ્રવૃત્તિઓ કરી રહેલા લોકો ચર્ચામાં છે. જ્યારે ઘણા લોકો લોકડાઉનના કારણે ઘરમાં કંટાળી રહ્યા છે. આવો જ કિસ્સો રશિયાના મોસ્કોથી સામે આવ્યો છે, જ્યાં લોકડાઉનથી બોર થઇ ગયેલા બિઝનેસમેને એવું પગલું ભર્યું જેની વિશ્વભરમાં ચર્ચા થઇ રહી છે.
લોકડાઉનથી કંટાળીને રશિયાના બિઝનેસમેનનો નિર્ણય
જીવનમાં કંઇક એન્ગલ માટે રશિયાના બિઝનેસમેન ડિલીવરી બોય બન્યા
વર્ષે 15 કરોડ રૂપિયાનું ટર્નઓવર કરે છે આ બિઝનેસમેન
લોકડાઉનમાં કંટાળ્યા લોકો
કોરોનાના લોકડાઉનના કારણે વિવિધ જગ્યાએથી અલગ અલગ કહાણીઓ સામે આવી રહી છે. ક્યાંક લોકો પોતાની બાલ્કનીમાં ઉભા રહીને વાઈન પી રહ્યા છે તો ક્યાંક ગિટાર વગાડીને મનોરંજન કરી રહ્યા છે. એવામાં રશિયાના એક બિઝનેસમેનને લોકડાઉનમાં એટલો કંટાળો આવ્યો કે તેમણે ડિલીવરી બોય બનવાનું નક્કી કરી લીધું.
બિઝનેસ પર નથી પડી અસર છતાં બન્યા ડિલીવરી બોય
વોશિંગ્ટન પોસ્ટના અહેવાલ મુજબ, આ બિઝનેસમેનનું નામ Sergey Nochovnyy છે. જે 38 વર્ષનાં છે. લોકડાઉનમાં ઘણા બધા બિઝનેસને અસર પડી રહી છે પરંતુ આ વ્યક્તિને બિઝનેસમાં કોઈ નુકસાન થઇ રહ્યું છે તે માટે નહિ પરંતુ જીવનમાં કંઇક અલગ એન્ગલની જરૂર હતી તે માટે આ વ્યક્તિએ ડિલીવરી બોય બની જવાનું નક્કી કરી લીધું.
દરરોજ 13થી 20 ડોલરની કમાણી
Sergey Nochovnyy એ જણાવ્યું કે ડિલીવરી બોય બની જવાના કારણે તે દરરોજ 20 કિલોમીટર ચાલે છે અને ફૂડ ડિલીવર કરે છે. તથા રોજ તેઓ 13થી 20 ડોલરની કમાણી પણ કરી લે છે.
કુલ 2 મિલિયન ડોલરનો બિઝનેસ
Sergey Nochovnyy કન્સલ્ટિંગનો બિઝનેસ કરે છે. બિઝનેસ કુલ 2 મિલિયન ડોલરનો છે. તે મુંજબ તે વાર્ષિક 15 કરોડ રૂપિયાનું ટર્નઓવર કરે છે. તે કન્સલ્ટિંગનો બિઝનેસ કરે છે.
ડિલીવરી બોયની કોઈ નોંધ લેતું નથી
નોંધનીય છે કે તેઓ આ પહેલા 12 વર્ષ સુધી ચીનમાં રહ્યા હતા. ગયા વર્ષે જ તેઓ રશિયા પાછા આવ્યા છે. તેમણે કહ્યું કે લોકડાઉનમાં તે શારીરિક હલનચલનને યાદ કરી રહ્યાં છે. એવામાં જ્યારે તેઓ ડિલીવરી બોય બન્યા ત્યારે કોઈ વ્યક્તિ તેમના પર ધ્યાન આપતું નથી. કોઈ નોટિસ નથી કરતુ કે આટલો મોટો બિઝનેસમેન આવ્યો છે.