શાંઘાઈ સહયોગ સંગઠનમાં કાશ્મીર મુદ્દો ઉછાળવો પાકિસ્તાનને ભારે પડી રહ્યો છે કારણ કે રશિયાએ આ મુદ્દા પર સ્પષ્ટ શબ્દો ખંખેરી કાઢ્યું છે.
SCOમાં રશિયાએ પાકિસ્તાનને જબરી સંભળાવી
રશિયાએ કહ્યું કાશ્મીર જેવા દ્વિપક્ષીય મુદ્દા લાવવા સિદ્ધાંતોની વિરુદ્ધ
પીએમ મોદીએ પણ 10 નવેમ્બરે આ જ મુદ્દાનો કર્યો હતો ઉલ્લેખ
શાંઘાઈ કૉર્પોરેશન ઓર્ગેનાઈઝેશન સંમેલનમાં પાકિસ્તાનને રશિયાએ ફટકાર લગાવી છે. ભારતનું સમર્થન કરતા રશિયાએ કહ્યુ કે પાકિસ્તાને શાંઘાઈ સહયોગ સંગઠનની બેઠકમાં કાશ્મીર જેવા મુદ્દાઓ ઉછાળવા જોઈએ નહીં. રશિયાએ કહ્યું કે આવું કરવું એ સિદ્ધાંતો વિરુદ્ધ છે.
નોંધનીય છે કે આ બેઠકમાં પીએમ મોદીએ જ્યારે સંબોધન કર્યું હતું ત્યારે પણ તેમણે આ મુદ્દાનો ઉલ્લેખ કર્યો હતો અને પીએમ મોદીએ કહ્યું હતું કે આ બેઠકમાં અનાવશ્યક રૂપથી દ્વિપક્ષીય મુદ્દા લાવવાના પ્રયાસ કરવામાં આવી રહ્યા છે.
રશિયા પ્રવકતાએ સંમેલનમાં કહ્યું કે SCO ચાર્ટરનો હિસ્સો છે કે દ્વિપક્ષીય મુદ્દાઓને એજન્ડામાં લાવવામાં આવશે નહીં, અમે બધા જ સદસ્ય દેશોને સ્પષ્ટ કરી દીધું છે કે આ કામથી બચવું જોઈએ. તેમણે વધુમાં કહ્યું કે જ્યાં સુધી ભારત-પાકિસ્તાન વિવાદનો સંબંધ છે, અમારી સ્થિતિમાં કોઈ જ પરિવર્તન નથી. અમને આશા છે કે હવે આ પ્રકારની ઘટનાઓ નહીં થાય.
શું કહ્યું હતું પીએમ મોદીએ
નોંધનીય છે કે પીએમ મોદીએ પણ કહ્યું હતું કે ભારત SCO હેઠળ કામ કરવા માટે કટિબદ્ધ છે પણ દુર્ભાગ્યપૂર્ણ છે કે અનાવશ્યક રૂપથી દ્વિપક્ષીય મુદ્દાઓને લાવવાના પ્રયાસ થઇ રહ્યા છે જે SCOના સ્પિરિટનું ઉલ્લંઘન છે.