લાઈટ વર્ઝન સિંગલ ડોઝ કોરોનાની સામે 80 ટકા રક્ષણ આપશે
રશિયાની કોરોના વેક્સિન સ્પુતનિકે ગુરુવારે એક મોટી જાહેરાત કરી છે. સ્પુતનિકે જણાવ્યું કે લાઈટ વર્ઝન સિંગલ ડોઝ કોરોનાની સામે 80 ટકા અસરકારક છે.
લાઈટ વર્ઝન સિંગલ ડોઝ કોરોનાની સામે 80 ટકા અસરકારક
સ્પુતનિકે જણાવ્યું છે કે વેક્સિનનો હળવા ડોઝથી વેક્સિનેસનમાં ઝડપ આવશે અને મહામારી ફેલાતા અટકશે. 91.7 ટકા લોકોમાં 28 દિવસની અંદર કોરોના સામે લડવાની એન્ટીબોડી બની ગઈ હતી. કંપનીએ જણાવ્યું કે જેમના શરીરમાં પહેલેથી 100 ટકા ઈમ્યુનિટી હતી વેક્સિન લીધા બાદ તેમના શરીરમાં એન્ટીબોડી લેવલ 10 દિવસમાં 40 ગણું વધી ગયું હતું.
રશિયા બે દિવસમાં સ્પુતનિક-વીની બીજી ખેપ મોકલશે
રશિયા બે દિવસમાં સ્પુતનિક-વીની બીજી ખેપ મોકલશે. આ ખેપમાં દોઢ લાખ વેક્સિનના ડોઝ છે. તે ઉપરાંત મે મહિનાના અંતમાં 30 લાખ ડોઝ પણ ભારતમાં બનવાના છે. હૈદરાબાદ સ્થિત ડો.રેડ્ડીની લેબમાં આ ડોઝ હાલમાં બની રહ્યાં છે. નવી દિલ્હી અને મોસ્કો સ્થિત રાજદ્વારીઓના જણાવ્યાનુસાર રશિયા ઓછામાં ઓછા ચાર ઓક્સિજન પેદા કરનાર ટ્રક મોકલી રહ્યો છે જે 200 બેડની હોસ્પિટલની વીજળી સપ્લાય કરી શકે છે. આ ટ્રક પ્રતિ કલાકે 70 કિલોગ્રામ ઓક્સિજન અને પ્રતિ દિન 50,000 લીટરનું ઉત્પાદન કરે છે.
અધિકારીઓએ કહ્યું કે અમે આવી ચાર ટ્રકની ખરીદી કરી લીધી છે અને બીજી પણ મેળવી રહ્યાં છીએ જેથી કરીને ઓક્સિજનની અછત ન સર્જાય. મહત્વનું છે કે ભારતમાં 169 જાન્યુઆરીથી રસીકરણ શરૂ થયું હતું, અને સરકાર દ્વારા શરૂઆતમાં કોવિશિલ્ડ તેમજ કોવાકસિન દ્વારા આ ડ્રાઈવ શરૂ કરી દેવામાં આવી હતી.
મોદી સરકાર દ્વારા વેક્સિન મૈત્રી નામે ડિપ્લોમસી શરૂ કરવામાં આવી
જો કે પછીથી દેશમાં રસીકરણના વિવિધ તબક્કાઓની વચ્ચે ચીનની વેક્સિન વોરનો સામનો કરવા માટે મોદી સરકાર દ્વારા વેક્સિન મૈત્રી નામે ડિપ્લોમસી શરૂ કરવામાં આવી હતી, અને કરોડો ડોઝને વિદેશોમાં ફ્રી સહાય તરીકે અથવા સાવ ન્યૂનતમ કિંમતે આપવામાં આવ્યા હતા, જો કે પછીથી ભારતમાં જ વેક્સિનના કાચા માલની અછત સર્જાતા, તેમજ કોરોનાની બીજી લહેરમાં સ્થિતિ વધુ વિકટ બનતા રસીકરણ પર ભાર મૂકવો જરૂરી બની ગયો હતો, અમેરિકાએ કાચા માલની નિકાસ પર પ્રતિબંધ મૂકી દેતા ભારતની કંપનીઓ પર માટે રસીની વધુ ડિમાન્ડને પૂરી કરવા માટે મોટી માત્રામાં ઉત્પાદન કરવું મુશ્કેલ બની રહ્યું હતું, ત્યારે ત્રીજા વિકલ્પ તરીકે ભારતમાં રશિયાની વેક્સિનને મંજૂરી આપવામાં આવી હતી.