અમેરિકી રાષ્ટ્રપતિ જો બાયડને યુક્રેન અને રશિયા વચ્ચેના સંભવિત વોરને લઈને એકે મોટી જાહેરાત કરી છે.
અમેરિકી રાષ્ટ્રપતિ જો બાયડનનું નિવેદન
આગામી દિવસોમાં રશિયા યૂક્રેન પર હુમલો કરશે
રશિયન આક્રમણનો ખતરો હજુ ટળ્યો નથી-બાયડન
યૂક્રેન અને રશિયા વચ્ચે ચાલી રહેલી તંગદિલિની વચ્ચે અમેરિકી રાષ્ટ્રપતિ જો બાયડને એક મોટી જાહેરાત કરીને આંતરરાષ્ટ્રીય સ્તરે ખળભળાટ મચાવ્યો છે. બાયડને કહ્યું કે યૂક્રેન પર રશિયાનો હુમલો આગામી થોડા દિવસમાં સંભવ છે. યૂક્રેન પર રશિયન આક્રમણનો ખતરો ઘણો વધારે હતો પરંતુ તે હજુ ટળ્યો નથી અને આગામી દિવસોમાં તે થઈ શકે છે. ઉલ્લેખનીય છે કે તેમનું આ નિવેદન એવે સમયે આવ્યું છે કે જ્યારે રશિયાએ દાવો કર્યો છે કે તેણે યૂક્રેન સીમાએથી વધારેમાં વધારે સૈનિકો ખસેડવાનું શરુ કરી દીધું છે.
રશિયાએ યૂક્રેન સરહદે વધારે સૈનિકો મોકલ્યાં
વ્હાઈટ હાઉસમાં રુટીન પ્રેસ બ્રીફિંગ દરમિયાન બાયડને પત્રકારોને કહ્યું કે ખતરો ઘણો વધારે છે કારણ કે રશિયાએ તેના સૈનિકોને સીમાએથી પાછા બોલાવ્યાં નથી પરંતુ સરહદે વધારે સૈનિકોનો ખડકલો કર્યો છે. યૂક્રેનમાં રશિયન લશ્કરને ઘુસાડવા માટે ત્યાંની સરકાર દ્વારા કાવતરુ કરાઈ રહ્યું છે.
લશ્કરને યૂક્રેનમાં ઘુસાડવા રશિયાએ કાવતરુ કર્યું
બાયડને કહ્યું કે અમને જે પણ સંકેતો મળ્યાં છે તેમાં જણાયું છે કે રશિયન લશ્કર યૂક્રેનની સીમામાં જવા, યૂક્રેન પર હુમલો કરવા માટે તૈયાર છે અને આગામી દિવસોમાં તેનો પરચો મળી શકે છે.
યૂક્રેન પર આક્રમણ કરવાનો રશિયાનો ઈન્કાર
જોકે રશિયાએ સ્પસ્ટ જણાવ્યું છે કે યૂક્રેન પર હુમલો કરવાની તેની કોઈ યોજના નથી. રશિયન વિદેશ મંત્રાલયે એક જાહેર નિવેદનમાં જણાવ્યું કે યૂક્રેન પર રશિયાનું કોઈ આક્રમણ થયું નથી. તેમણે કહ્યું કે અમેરિકા અને તેના સાથી દેશો યૂક્રેન પર આક્રમણનો જે દાવો કરી રહ્યાં છે તે ખોટો છે અને હુમલાની અમારી કોઈ યોજના નથી.