વિશ્વમાં સૌથી પહેલા કોરોનાની રસી બનાવવાનો દાવો કરનાર રશિયાએ ફરી વધુ એક રસીની બીજી ટ્રાયલને મજૂંરી આપી હોવાનો દાવો કર્યો છે. રશિયાના રાષ્ટ્રપતિ વ્લાદિમીર પુતિને કોરોનાની બીજી રસીના ટ્રાયલને લઈને એલાન કર્યું છે. EpiVacCorona નામની બીજી રસીના ટ્રાયલને મંજૂરી આપવામાં આવી છે.
રશિયાએ શરૂઆતના ટ્રાયલ પછી બીજી કોવિડ વેક્સીનને આપી મંજૂરી
રશિયાએ બીજી કોરોના વેક્સીન EpiVacCorona ને આપી મંજૂરી
રશિયાના રાષ્ટ્રપતિ વ્લાદિમીર પુતિને કર્યું એલાન
ડેપ્યુટી PM તતયાના ગોલિકોવાને આપવામાં આવી વેક્સીન
રશિયાએ શરૂઆતના ટ્રાયલ પછી બીજી કોવિડ વેક્સીનને મંજૂરી આપી છે. રશિયાએ બીજી કોરોના વેક્સીન EpiVacCorona નામની રસીને મંજૂરી આપી. આ એલાન રશિયાના રાષ્ટ્રપતિ વ્લાદિમીર પુતિને કરી દુનિયાને ચોંકાવી દીધું છે.
આ કોરોના વેક્સીનને સાઇબિરિયન બાયોટેક કંપનીએ વિકસિત કરી છે. કોરોનાથી બચાવ માટે દર્દીને આ રસી બે વાર આપવામાં આવશે. EpiVacCorona વેક્સીનનું 100 લોકો પર કરાયેલું ટ્રાયલ સફળ રહ્યા બાદ આ પરવાનગી આપવામાં આવી છે. આ રસીનો ડોઝ ડેપ્યુટી PM તતયાના ગોલિકોવાને આપવામાં આવ્યો છે.
આ રસીનું શરુઆતનું ટ્રાયલ બે મહિના ચાલ્યું હતું. જોકે તેના પરિણામો જાહેર કરાયા નહોતા. આગલા તબક્કાના ટ્રાયલ્સ માટે 40 હજાર સ્વયંસેવકોને પસંદ કરવામાં આવશે. ગોલિકોવાએ જણાવ્યું કે રશિયાની સરકાર ડિસેમ્બર સુધીમાં ત્રીજી વેક્સીનને સરકારી મંજૂરી આપે તેવી શક્યતા સેવાઈ રહી છે. EpiVacCorona વેક્સીનના પહેલા 60 હજાર ડોઝ જલ્દી તૈયાર કરવામાં આવશે. આ પહેલા રશિયાએ વિશ્વની પ્રથમ કોરોના વેક્સીનને મંજૂરી આપી હતી.