રશિયાએ યુક્રેન સાથે ચાલી રહેલા વિવાદ વચ્ચે એક મોટી જાહેરાત કરી છે. તેણે ક્રીમીયામાં સૈન્ય અભ્યાસ સમાપ્ત કરવાની જાહેરાત કરી છે.
રશિયા યુક્રેન વચ્ચે યુધ્ધના વાદળો હટ્યા
રશિયાએ સૈન્ય અભ્યાસ ખતમ કરવાની જાહેરાત કરી
પાછા ફરી રહ્યા છે સૈનિકો
રશિયાએ યુક્રેન સાથે ચાલી રહેલા વિવાદ વચ્ચે એક મોટી જાહેરાત કરી છે. તેણે ક્રીમીયામાં સૈન્ય અભ્યાસ સમાપ્ત કરવાની જાહેરાત કરી છે. સાથે જ જણાવ્યું હતું કે, સૈનિકોએ પાછા ફરવાનું શરૂ કરી દીધું છે. આ વાતની જાણકારી હાલમાં મળી રહી છે. રિપોર્ટ્સમાં જણાવ્યા અનુસાર રશિયાના રક્ષામંત્રાલયે કહ્યું કે, તે યુક્રેન સરહદથી અમુક સૈનિકોને પાછા બોલાવી રહ્યા છે. તેનાથી સંકેતો મળી રહ્યા છે કે, યુક્રેન પાસે અભ્યાસ પુરો કર્યા બાદ રશિયન સૈનિકો પોતાના સૈન્ય બેસ પર પાછા ફરી રહ્યા છે. જો કે, રશિયાના આ દાવા પર યુક્રેનને હજૂ પણ વિશ્વાસ નથી બેસતો.
Russia announces end of Crimea military drills, troops leaving: AFP News Agency
રશિયાના રક્ષામંત્રાલયે એક નિવેદનમાં કહ્યું છે કે, સાઉદર્ન મિલિટ્રી ડિસ્ટ્રિક્ટની યુનિટ્સે સમારિક અભ્યાસ પુરો કરી લીધો છે. તે હવે પોતાના સ્થાયી તૈનાતી પોઈન્ટ પર પાછા જઈ રહ્યા છે. તેની સાથે જ સરકારી ટેલીવિઝનની અમુક તસ્વીરો પર વાયરલ થઈ રહી છે. જેમાં સૈનિકો રશિયા નિયંત્રિત ક્ષેત્રમા મુખ્ય ભૂમિ સાથે જોડાયેલા પુરને પાર કરતા દેખાઈ રહ્યા છે. નિવેદનમાં કહેવાયુ છે કે, ટૈંક, પગપાળા સેનાના વાહન અને તોપખાના રેલ દ્વારા ક્રીમિયાથી લઈ જઈ રહ્યા છે. આ અગાઉ એક દિવસ પહેલા રશિયાએ કહ્યું હતું કે, તે પોતાના પાડોશી યુક્રીનની સરહદો પર તૈનાત અમુક સૈનિકોને પાછા બોલાવી રહ્યા છે.
પશ્ચિમી દેશોમાં હુમલા થવાની ચિંતા
રશિયા હુમલાની વાતની ઘસીને ના પાડી રહ્યું છે. પણ પશ્ચિમી દેશોની ચિંતા છે અને કહી રહ્યા છે કે, રશિયા ગમે ત્યારે યુક્રેન પર હુમલો કરી નાખશે. અમેરિકી રાષ્ટ્રપતિ જો બાઈડેને પણ પોતાના સંબોધનમાં કહ્યું હતું કે, રશિયાના આક્રમણનું ખતરો હજૂ પણ બનેલો છે અને અમેરિકા આ હુમલાનો આકરો જવાબ આપવા માટે તૈયાર છે. તેમણે મોસ્કોને યુદ્ધ ન છંછેડવા અપીલ કરી હતી. તેમણે કહ્યું હતું કે, જે પણ થશે તેના માટે અમેરિકા તૈયાર છે.