IPLIN
 

RUSSIA UKRAINE WAR / રશિયા-યુક્રેન વચ્ચે યુદ્ધના અંતની શરૂઆત : યુક્રેને લીધો મોટો નિર્ણય, ટૂંક સમયમાં મોટી જાહેરાતની શક્યતા

Team VTV 12:27 PM, 28 Feb 22 | Updated: 12:41 PM, 28 Feb 22
Follow us
Russia and Ukraine set the stage for dialogue

રશિયા અને યુક્રેન વચ્ચે જંગનો આજે પાંચમો દિવસ છે, સતત પાંચમા દિવસે પણ રશિયાનું આક્રમણ વધુને વધું આક્રમક બની રહ્યું છે. જો કે, આ બંને દેશો વચ્ચે બેલારૂસમાં વાતચીત થવાની છે.

  • રશિયા અને યુક્રેન વચ્ચે જંગનો આજે પાંચમો દિવસ
  • બેસારૂસમાં બંને દેશો વચ્ચે આજે થશે વાતચીત
  • મંત્રણા માટે મંચ તૈયાર

રશિયા અને યુક્રેનના જંગનો આજે સોમવારે પાંચમો દિવસ છે. યુક્રેનની રાજધાની કીવ અને ખારકીવ શહેર પર રશિયાની સેનાનો હુમલો ચાલું છે. તે યુક્રેનના રાષ્ટ્રપતિ વોલોદિમીર જેલેંસ્કીએ દાવો કર્યો છે કે, રશિયા તેમની હત્યા કરવા માટે કીવમાં 400થી વધારે હત્યારા મોકલ્યા છે. આ બાજૂ ભારતીયોને યુક્રેનમાંથી કાઢવા માટે મોદી સરકારે નવો પ્લાન બનાવ્યો છે. તેમાં ચાર મંત્રીઓને યુક્રેનના પાડોશી દેશમાં મોકલવામાં આવશે.

 

રશિયા અને યુક્રેન વચ્ચે વાતચીતનો મંચ તૈયાર

રશિયા અને યુક્રેન વચ્ચે વાતચીતનો મંચ તૈયાર થઈ ચુક્યો છે. આ વાતચીત બેલારૂસમાં થવાની છે. બેલારૂસના વિદેશ મંત્રાલયે એક ફોટો ટ્વિટ કરીને આ અંગેની જાણકારી આપી હતી.

વાતચીત માટે બેલારૂસ પહોંચ્યું યુક્રેનનું ડેલિગેશન

જંગની વચ્ચે યુક્રેન અને રશિયામાં વાતચીતની પહેલ થઈ છે. એક રિપોર્ટ્સમાં જણાવ્યા અનુસાર યુક્રેનનું જે ડેલિગેશન વાતચીત માટે નિકળ્યું હતું. તે બેલારૂસ પહોંચી ચુક્યું છે. યુક્રેનના રાષ્ટ્રપતિએ પહેલા જ કહ્યું હતું કે, બેલારૂસની સરહદ પર રશિયા યુક્રેનની વાતચીત થઈ શકે છે. 

ગઈકાલે બેલારુસમાં મોકલ્યું દળ


રશિયન મીડિયામાં એવો પણ દાવો કરવામાં આવ્યો છે કે યુક્રેને તેના એક પ્રતિનિધિમંડળને બેલારુસ મોકલી આપ્યું છે જે રશિયાના પ્રતિનિધિઓ સાથે મંત્રણા કરીને કોઈ ઉકેલ કાઢશે. આ પહેલા બેલારુસમાં શાંતિ મંત્રણા માટે યુક્રેને ના પાડી દીધી હતી અને બેલારુસને બદલે બીજા કોઈ સ્થળે શાંતિ મંત્રણાનું જણાવ્યું હતું પરંતુ રશિયા બેલારુસમાં જ વાતચીત કરવા મક્કમ રહ્યું હતું.

રશિયાએ તોડ્યું છે યુક્રેનનું 'સ્વપ્ન'

કીવની બહાર હોસ્ટોમેલ હવાઈ અડ્ડા પર આ વિમાનને રુસે ગોળીબાર કરી કથિત રૂપથી બાળી નાંખ્યું. વિમાનના નષ્ટ થવા પર શોક વ્યક્ત કરતા યુક્રેને પોતાના અધિકારીક ટ્વીટર હેન્ડલથી પોસ્ટ કરી છે. 'દુનિયાનું સૌથી મોટું વિમાન મરિયા' ને રુસી સેનાએ નષ્ટ કર્યું. અમે વિમાનનું પુનઃનિર્માણ કરશું. અમે એક મજબૂત, સ્વતંત્ર તથા લોકતાંત્રિક યુક્રેનના સપનાને પોરું કરશું.

પુતિને પરમાણું હથિયારોને હાઈ એલર્ટ પર કર્યા

રાષ્ટ્રપતિ વાલ્દિમિર પુતિને હવે પરમાણું હથિયારોને પણ હાઈ એલર્ટ પર કરી દીધા છે. જેના કારણે ઈન્વેસ્ટરોમાં પણ હવે અફરાતફરીનો માહોલ સર્જાયો છે. પરિણામે કરન્સી માર્કેટમાં ડૉલર અને યેન જેવી સુરક્ષીત કરન્સીની ડિંમાન્ડ વધી ગઈ છે. જ્યારે રુબલ ડૉલરની સરખામણીએ 20 ટકા પડિને 119 પર આવી ગઈ છે.

રશિયામાં અફરા તફરીનો માહોલ

ઉલ્લેખનીય છે કે પશ્ચિમી દેશોના પ્રતિબંધોની અસર હવે વિશ્વના દરેક દેશો પર જોવા મળી રહી છે. ખાસ કરીને રશિયામાં સામાન્ય લોકોમાં પણ અફરાતફરીનો માહોલ સર્જાયો છે. રશિયામાં એટીએમ અને બેંકોની સામે લોકો લાંબી લાઈનો લગાવીને ઉભા છે. તેમને એવો ડર છે કે તેમની બેંકનું કાર્ડ કામ કરવાનું બંધ ન થઈ જાય. જેથી લોકો વધુમાં વધુ કેશ નિકાળી રહ્યા છે. બીજી તરફ કરન્સીની વેલ્યૂ ઘટવાને કારણે મોંઘવારી ચરમસીમાએ પહોંચી ગઈ છે.

 

RUSSIA UKRAINE WAR ukraine crisis Russia ukraine Belarus રશિયા યુક્રેન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ