શહેરનાં નરોડા વિસ્તારમાં રહેતાં યુવકને ગઠિયાએ હું CBIમાં ઈન્સ્પેક્ટર છું, તમને પોલીસ ઈન્સ્પેક્ટરની સરકારી નોકરી અપાવીશ તેવી લાલચ આપીને ૧૧ લાખ પડાવી લીધા હોવાનો ચોંકાવનારો કિસ્સો પ્રકાશમાં આવ્યો છે. સ્થાનિક પોલીસે ગુનો નોંધી તપાસ હાથ ધરી છે.
નકલી પોલીસ ઈન્સપેક્ટર પૈસા લઈ ગાયબ થઈ ગયો
ટુકડે ટુકડે ઠગને પૈસા આપ્યા હતા
ઠગે નકલી પોલીસ તરીકેની ઓળખ આપી ઠગાઈ કરી
આ રીતે થઈ મળ્યાં હતાં
નરોડાની મધુવનપાર્ક સોસાયટીમાં રહેતા અને નરોડા પોલીસ સ્ટેશનની બાજુમાં આવેલા કોમ્પ્યુટર હાડવેરમાં નોકરી કરતા હસમુખ પ્રજાપતિએ નિકોલ પોલીસ સ્ટેશનમાં છેતરપિંડીની ફરિયાદ કરી છે. વર્ષ ર૦૧૦માં હસમુખભાઈનો તેમના સાળા જીતેન્દ્રભાઈ કંસારા માર્ફતે નરોડા શુભમ ગેલેક્સી બંગલોઝમાં રહેતાં મૌલિકસિંહ રાણા સાથે પરિચય થયો હતો. આ મૌલિકસિંહે હસમુખભાઈને કહ્યું હતું કે , હું ગાંધીનગરમાં CBI ઈન્સ્પેક્ટર છું અને તમારે ખાતામાં પોલીસ સબ ઈન્સ્પેક્ટર કે પોલીસ ઈન્સ્પેકટર બનવું હોય તો હું પરીક્ષામાં તમને પાસ કરાવી પોલીસ સબ ઈન્સ્પેક્ટર કે પોલીસ ઈન્સ્પેક્ટર બનાવી આપીશ. હસમુખભાઈને સરકારી નોકરીની જરૂર હોવાથી મૌલિક સિંહ પર તેમણે વિશ્વાસ કર્યો હતો.
સંદીપભાઈને બનવું હતું પોલીસકર્મી
મૌલિક સિંહે થોડા દિવસ પછી હસમુખભાઈને કહ્યું કે, હાલમાં પોલીસ ઈન્સ્પેક્ટરની જાહેરાત આવી હતી તે ભરતીમાં મારી સારી એવી ઓળખાણ છે અને તમારે ઈન્સ્પેક્ટર તરીકે નોકરી કરવી હોય કે તમારા ઓળખીતા નોકરી કરવા ઈચ્છતા હોય તો મને જાણ કરજો. ત્યારબાદ હસમુખભાઈએ તેમના મિત્ર અને અરવલ્લીમાં રહેતા સંદીપ પટેલને પોલીસ ઈન્સ્પેક્ટર બનવાની ઈચ્છા હતી. જેથી તેમને વાત કરી હતી. તે પછી હસમુખભાઈએ તેમના મિત્ર સંદીપભાઈને મૌલિક સિંહ સાથે મુલાકાત કરાવી હતી.
ટુકડે ટુકડે આપ્યાં હતાં પૈસા
મૌલિક સિંહે સંદીપને કહ્યું કે, હું તમને પોલીસ ઈન્સ્પેક્ટર તરીકે નોકરી અપાવીશ. જ્યાં નિમણુક કરવાની હોય તે જગ્યાએ તમારી નિમણૂક પણ કરાવી આપીશ. એક પોલીસ ઈન્સ્પેક્ટરની સીટ માટે રૂપિયા ૧૧ લાખ ખર્ચ થશે. તમે પૂરા રૂપિયા ચૂકવી દેશો તો એટલે તમારો ઓર્ડર આવી જશે. હસમુખભાઈએ ટુકડે ટુકડે વર્ષ ર૦૧૭ સુધીમાં ૧૧ લાખ રૂપિયા મૌલિક સિંહને ચૂકવી દીધા હતા.
નકલી પોલીસ ઈન્સપેક્ટર પૈસા લઈ ગાયબ થઈ ગયો
ત્યારબાદ મૌલિક સિંહ રૂપિયા લઈને ગાયબ થઈ ગયો હતો. હસમુખભાઈ અને સંદીપે મૌલિક સિંહની તપાસ કરતાં ન્યૂઝ પેપર મારફતે જાણવા મળ્યું કે મૌલિક સિંહ નકલી CBI ઈન્સ્પેક્ટરની ખોટી ઓળખ આપી સરકારી નોકરી આપવવાની લાલચ આપી પૈસા પડાવી લેતો હતો. હસમુખભાઈ વર્ક વિઝા ઉપર આફ્રિકા ગયા હતા. હમસુખભાઈ પરત આવી બાદ મૌલિક સિંહની શોધખોળ કરતાં મૌલિક સિંહ જેલમાં હોવાની જાણકારી થતાં નિકોલ પોલીસ સ્ટેશનમાં ફરિયાદ કરી છે.