નવી દિલ્હીઃ અમેરિકન ડોલરના મુકાબલે ભારતીય રૂપિયો સતત નબળો પડતો જઈ રહ્યો છે. પહેલી વખત રૂપિયો 74 સુધી ગગડી પ્રતિ ડોલર નીચે આવી ગયો છે. જે અત્યાર સુધીનું સૌથી નીચુ સ્તર છે.
કેવી રીતે ડોલર સામે રૂપિયો પડી રહ્યો છે નબળો?
એક તરફ સેન્સેક્સમાં સતત ત્રીજા દિવસે 900 પોઈન્ટનો ધડાકો થયો છે. જેણે લોકોનીં ઉંઘ હરામ કરી નાખી છે. બીજી તરફ પહેલી વખત ડોલરના મુકાબલે રૂપિયા 74ની સપાટી વટાવી ગયો છે. જેને સામાન્ય નાગરીકોની મુશ્કેલીઓ વધારી દીધી છે. ડોલરની સામે સતત રૂપિયો નબળો પડતો જઈ રહ્યો છે. રિઝર્વ બેંકના ગવર્નર ઉર્જિત પટેલનું તો એવું માનવું છે કે નવાં ઉભરતાં માર્કેટોની તુલનામાં રૂપિયો સતત નબળો પડતો જઈ રહ્યો છે. પરંતુ છેલ્લા ત્રણ દિવસમાં જે રીતે રૂપિયો નબળો પડ્યો તે ભારત માટે ખુંબ ચીંતાનો વિષય છે.
રૂપિયો કેટલો ગગડ્યો?
સતત ત્રણ દિવસમાં ડોલરની સરખામણીએ જે રીતે રૂપિયો નબળો પડ્યો છે. તેના પર જો નજર કરવામાં આવે તો શુક્રાવારે રૂપિયો ડોલરની સરખામણીએ 73.65ની સપાટીએ પ્રારંભ થયો. જ્યારે ગુરુવારે રૂપિયો ડોલરની સામે તૂટતાં 73.58 પ્રતિ ડોલર પર બંધ રહ્યો. જ્યારે બુધવારે પહેલી વખત રૂપિયાએ 73 રૂપિયા દીઠ ડોલરનો આંકડો પાર કર્યો. ત્યારબાદ આજ દીન સુધી રૂપિયો સતત 73ની ઉપર જ જઈ રહ્યો છે.
મહત્વનું છે કે આંતરરાષ્ટ્રીય સ્તર પર કાચા તેલની કિંમતોમાં સતત વધારો થઈ રહ્યો છે. જેના કારણે ડોલર મજબૂત બન્યો છે. તો સામે આર્થિક કટોકટી પણ ચાલે છે. જેથી પરિસ્થિત ખરાબ થઈ રહી છે. બીજી તરફ નિષ્ણાંતોના મતે રિઝર્વ બેંક પણ વ્યાજદરમાં વધારો કરશે. આ વધારો થવાની સંભાવના કાચા તેલની વધતી જતી કિંમતો અને ગગડતા રૂપિયાને કારણે ગણવામાં આવી રહી છે. ભારત સરકાર તરફથી પણ ઘણા પગલાં લેવામાં આવી રહ્યા છે. છતાં રૂપિયામાં મજબૂતી આવતી નથી.
બીજી તરફ કેન્દ્રીય મંત્રી આ સ્થિતિને સૌથી સારો તબક્કો ગણાવી રહ્યા છે. ત્યારે જોવું રહ્યું કે ડોલર સામે નબળા પડી રહેલા રૂપિયાને મજબૂત બનાવવા ભારત સરકાર શું પગલા ભરે છે.