Rupee vs Dollar / રસાતળમાં રૂપિયો: ફરી ઑલ ટાઈમ લૉ પર પહોંચી ભારતીય કરન્સી, જાણો શું છે કારણ 

• ભારતીય રૂપિયો અમેરિકી ડોલર આજે શરૂઆતી કારોબારમાં 81ના સ્તરને પાર 
• આ રૂપિયાનું અત્યાર સુધીનું સૌથી નીચું સ્તર છે
• રૂપિયો શરૂઆતના વેપારમાં 44 પૈસા ગગડી 81.23ની નવી વિક્રમી નીચી સપાટીએ ગયો 

ભારતીય રૂપિયો અમેરિકી ડોલર સામે શુક્રવારે શરૂઆતી કારોબારમાં 81ના સ્તરને પાર કરી ગયો હતો. આ રૂપિયાનું અત્યાર સુધીનું સૌથી નીચું સ્તર છે. ડૉલર 111 ઝોનની ઉપર રહેવા સાથે અને બે વર્ષની યુએસ બોન્ડ યીલ્ડ કેટલાય વર્ષોથી ઊંચી સપાટી 4.1 ટકાની પહોંચવા સાથે, રૂપિયો શરૂઆતના વેપારમાં 44 પૈસા ગગડી 81.23ની નવી વિક્રમી નીચી સપાટીએ ગયો હતો.

આ સંદર્ભમાં ફોરેક્સ ટ્રેડર્સે જણાવ્યું હતું કે, ફુગાવાને નિયંત્રિત કરવા માટે રોકાણકારોએ યુએસ સેન્ટ્રલ બેંક, ફેડરલ રિઝર્વ (યુએસ FED રિઝર્વ) અને બેંક ઓફ ઈંગ્લેન્ડ દ્વારા વ્યાજ દરોમાં વધારાને અને યુક્રેનમાં વધતા ભૌગોલિક રાજકીય તણાવને  કારણે જોખમ લેવાથી બચી રહ્યા છે. આ સાથે વિદેશી બજારમાં અમેરિકી ચલણની મજબૂતાઈ અને સ્થાનિક શેરબજારમાં ઘટાડાની અસર પણ રૂપિયા પર પડી છે. ક્રૂડ ઓઈલના ભાવમાં મજબૂતીની અસર રૂપિયા પર પણ પડી છે.

Indian stocks slump on global monetary policy tightening; Rupee at new low

Read @ANI Story | https://t.co/S9bO8wmUcL#Sensex #Nifty #IndianStocks #Rupee #Dollar #USFed pic.twitter.com/gc0KSgo7rk

— ANI Digital (@ani_digital) September 23, 2022

છેલ્લા સત્રમાં પણ રૂપિયો ઘટ્યો હતો

યુએસ ફેડરલ રિઝર્વના વ્યાજ દરમાં વધારા પછી ભારતીય ચલણ (રૂપિયો વિ ડૉલર) ગુરુવારે યુએસ ડૉલર સામે 83 પૈસા ઘટ્યો હતો. જે લગભગ સાત મહિનામાં તેની સૌથી મોટી એક દિવસીય ખોટ છે. યુએસ ડૉલરની સામે 80.79ની સર્વકાલીન નીચી સપાટીએ બંધ રહ્યો હતો. રૂપિયો 24 ફેબ્રુઆરી પછીનો સૌથી મોટો એક દિવસીય ઘટાડો રહ્યો હતો, જ્યારે તેમાં 99 પૈસાનો ઘટાડો થયો હતો. આ દરમ્યાન ડૉલર ઇન્ડેક્સ 0.05 ટકા વધીને 111.41 પર પહોંચ્યો હતો. ડૉલર ઇન્ડેક્સ અથવા ડૉલર ઇન્ડેક્સ છ મુખ્ય ચલણો સામે યુએસ ડૉલરની સ્થિતિ દર્શાવે છે.