આજે ડૉલર સામે રૂપિયો 15 પૈસા થયો મજબૂત 72.30ની સપાટીએ પહોંચ્યો

નવી દિલ્હીઃ સોમવારે 72.45ની રેકોર્ડબ્રેક નીચલી સપાટી પર બંધ થયા બાદ આજે રૂપિયો ડૉલર સામે મજબૂત થયો છે. આજે ડૉલરની સામે રૂપિયો 15 પૈસા મજબૂત થયો છે. મજબૂતી સાથે આજે રૂપિયો 72.30ની સપાટીએ પહોંચ્યો છે. રૂપિયામાં સતત ઘટાડાના સિલસિલા બાદ આજે રૂપિયો મજબૂત બન્યો છે.

આંતરરાષ્ટ્રીય સ્તર પર કાચા તેલની કિંમતો સતત વધી રહી છે. કાચા તેલની સાથે ઈમર્જિંગ ઈકોનોમીઝ સામે કેટલાક પડકારો ઊભા થયા છે. જેના પગલે સતત રૂપિયામાં સતત ઘટડો જોવા મળ્યો છે.

ઉલ્લેખનીય છે કે આર્થિક સંકટના કારણે રોકાણકારોના ઈમર્જિંગ ઈકોનોમીઝ પરથી વિશ્વાસ ઉઠી ગયો છે. જેના પગલે તેઓ રૂપિયાના બદલે ડોલરમાં પોતાનું રોકાણ કરી રહ્યાં છે. જેના પગલે સતત ડોલરની ડિમાન્ડ વધી છે અને રૂપિયામાં થઈ રહેલો ઘટાડો તેનું મુખ્ય કારણ છે.

રૂપિયો 'વેન્ટિલેશન' પર!

સપ્ટેમ્બર-2018 - રૂપિયાનું મૂલ્ય 
01/09 - 70.87 
02/09 - 71.00
03/09 - 71.15 
04/09 - 71.58 
05/09 - 71.75     
06/09 - 71.94 
07/09 - 72.10 
08/09 - 72.10 
09/09 - 72.10 
10/09 - 72.45 
11/09 - 72.30