BIG NEWS / મોટો ધબડકો: પહેલી વાર ડોલરની સામે રૂપિયો રેકોર્ડ સ્તરે નબળો પડ્યો, 77.17ની નીચલી સપાટીએ આવ્યો

• ભારતીય રૂપિયો ઐતહાસિક રીતે નીચે ગગડ્યો
• ડોલરની સરખામણીએ રૂપિયો નબળો પડ્યો
• મોટી પછડાટ પાછળના આવા છે કારણો

ભારતીય રૂપિયો આજે એટલે કે, સોમવારે અમેરિકી ડોલરની સરખામણીએ રેકોર્ડ નિચલા સ્તરે આવી પહોંચ્યો છે. આજે સવારે 9 કલાકની આસપાસ ઘરેલૂ મુદ્રા 77.28 પ્રતિ ડોલર પર ટ્રેડ કરી રહ્યો હતો. તે 76.93ના પાછલા બંધથી 0.48 ટકા ઓેછો હતો. રૂપિયો 77.06 પર ખુલ્યો અને 77.31 પ્રતિ ડોલરના નિચલા સ્તરને પાર કરી ગયો હતો. ગત વખતે 7 માર્ચ, 2022ના રોજ રૂપિયો 76.98ના નિચલા સ્તર પર આવી ગયો હતો. મુદ્રાસ્ફિતીની ચિંતાઓની વચ્ચે ગ્લોબલ ઈક્વિટીમાં ધોબી પછાડની અસર રૂપિયા પર દેખાઈ રહી છે. 

આ રહ્યા તેની પાછળના કારણો

મોંઘવારીને લઈને ટ્રેડર્સની વચ્ચે ચિંતા છવાયેલી છે. તેમનો સવાલ છે કે, શું ફેડરલ રિઝર્વના વ્યાજદરોમાં વધારો ઈંફ્લેશન રોકવા માટે પુરતો છે. તો વળી બેંક ઓફ ઈંગ્લેન્ડે પોતાના વ્યાજદરોમાં વધારો કરતા મંદીના સંભવિત જોખમની ચેતવણી આપી હતી. આ બધા કારણોથી ગ્લોબલ માર્કેટની પછડાટમાં બહું મોટો રોલ છે. તેની અસર રૂપિયા પર પણ દેખાઈ રહી છે. 

FPI વેચાણની અસર

વિશ્લેષકોએ જણાવ્યું હતું કે, રુસ-યુક્રેન યુદ્ધના સમયગાળા દરમિયાન ક્રૂડ ઓઈલના ઊંચા ભાવ અને અનિશ્ચિતતાની દ્રઢતાએ વૈશ્વિક સ્તરે ફુગાવાના દબાણને દબાવી રાખ્યું હતું. વિદેશી રોકાણકારો દ્વારા સતત વેચાણને કારણે પણ મુદ્રામાં ઘટાડો થયો હતો. FII લગભગ $22.31 બિલિયનના ઈક્વિટીના વેચાણ સાથે સતત સાતમા મહિને ચોખ્ખા વેચાણકર્તા રહ્યા છે.

વધતી જતી ફુગાવાની ચિંતા

સ્થાનિક રીતે, રિઝર્વ બેંક ઓફ ઈન્ડિયા પણ ફુગાવાની વધતી ચિંતા વચ્ચે વ્યાજ દરોમાં વધારો કરી રહી છે અને તેને ચાલુ રાખવાનો સંકેત આપ્યો છે. 10 વર્ષની બોન્ડ યીલ્ડ 3 બેસિસ પોઈન્ટ વધીને 7.484 ટકા થઈ છે. ગયા અઠવાડિયે આરબીઆઈના અચાનક દરમાં વધારા પછી બોન્ડ યીલ્ડમાં 35 બેસિસ પોઈન્ટ્સથી વધુનો વધારો થયો છે.