જો તમે રુપે કાર્ડનો ઉપયોગ કરો છો તો તમારા માટે સારાં સમાચાર છે. રુપે કાર્ડ તેના આંતરરાષ્ટ્રીય કાર્ડધારકોને 40 ટકા સુધી કેશબેક આપવાની જાહેરાત કરી છે.
રુપે કાર્ડમાં મળી રહ્યું છે કેશબેક
દર મહિને 16000 રૂપિયા કેશબેક મળશે
આંતરરાષ્ટ્રીય કાર્ડધારકોને 40 ટકા સુધી કેશબેક મળશે
નેશનલ પેમેન્ટ કોર્પોરેશન ઓફ ઈન્ડિયા (NPCI) તરફથી જારી કરાયેલા નિવેદન મુજબ, સંયુક્ત આરબ અમીરાત, સિંગાપુર, શ્રીલંકા, બ્રિટેન, અમેરિકા, સ્પેન, સ્વિટ્ઝરલેન્ડ અને થાઈલેન્ડની યાત્રા કરવા પર ભારતીય આ ઓફરનો ફાયદો ઉઠાવી શકે છે. એટલે કે, અમુક દેશોમાં જ આ ઓફર અવેલેબલ છે. આ દેશોમાં રુપે ઈન્ટરનેશનલ કાર્ડને એક્ટિવેટ કરવા પર માસિક 16,000 રૂપિયા સુધીનું કેશબેક મળશે.
જોકે, કેશબેકનો લાભ લેવા માટે ગ્રાહકોએ લઘુત્તમ 1000 રૂપિયાની લેણદેણ કરવી પડશે. એક લેણદેણ પર લગભગ 4000 રૂપિયા સુધીની કેશબેક છે. ગ્રાહક એક મહિનામાં 4વાર રુપે ઈન્ટરનેશનલ કાર્ડનો ઉપયોગ કરી શકે છે. ગ્રાહક એક મહિનામાં 16,000 રૂપિયા કેશબેક મેળવી શકે છે.
તમને જણાણી દઈએ કે, NPCI અને JCB ઈન્ટરનેશનલ કો. લિમિટેડ (JCBI)એ ગયા વર્ષે જુલાઈમાં RuPay JCB ગ્લોબલ કાર્ડ્સ લોન્ચ કર્યા. આ કાર્ડ્સને ભારતીય બેંકોની સાથે મળીને લોન્ચ કરવામાં આવ્યું હતું. RuPay JCB કો. લિમિટેડની ઈન્ટરનેશનલ ઓપરેશન્સ સબ્સિડિયરી છે.