માછીમારોને સબસીડી મેળવવા માટે પડતી હાલાકીમાંથી છૂટકારો મળ્યો છે. માછીમારોને ડીઝલ સબસીડી ઓનલાઈન જમા થવાના રાજ્ય સરકારના પરિપત્રથી ખુશહાલી વ્યાપી છે
માછીમાર સમુદાય માટે આનંદના સમાચાર
ડીઝલની સબસીડી હવે બેંક ખાતામાં આવશે
સબસીડી મેળવવા માટેની ઝંઝટમાંથી છૂટકારો
પોરબંદર માછીમારોને ડીઝલ સબસીડી ઓનલાઈન જમા થવાના પરિપત્રથી માછીમારો ખુશ થયા છે સમયનો બચાવ અને ઝડપી પ્રક્રિયા થી માછીમારો ડીઝલ સબસીડી મળશે તેવો આશાવાદ વ્યક્ત કર્યો.
પહેલા આવતા અંધારા, હવે ખાતા અજવાળશે
ગુજરાતના સમુદ્રમા માછીમારી કરતા માછીમારો ને સરકાર ડિઝલમાં સબસીડી આપે છે તે સબસીડી મેળવવા માછીમારોને આંખે અંધારા આવી જતા હતા.માછીમારો ને સબસીડી માટે લાઈનોમા ઉભા રહેવા છતાં દિવસો સુધી વારો ના આવતો હતો અને એ સિવાયની પણ ઝંઝાળ તો રહેતી જ. આમ સબસીડી માટે માછીમારોને નવનેજા પાણી ઉતરી જતાં હતા..ત્યારે, ત્રણ ચાર મહિને એક માસની સબસીડી જમા થતી. ત્યારે હવે ડીઝીટલ માધ્યમથી માછીમારોને ડીઝલની સબસીડી સીધી તેમના ખાતામાં જમા થશે તેવા નિર્ણયથી માછીમારોને મોટી રાહત થઇ છે. આ નિર્ણયથી સબસીડીના નાણા ઝડપથી મળી જશે અને સમય બચી જશે.
ધરમ ધક્કાથી છૂટકારો
ભૂતકાળમાં માછીમારો સબસીડી લેવા દિવસો સુધી ફિશરીઝ ઓફિસે ધક્કા ખાતા હતા છતાં મહિનાઓ સુધી સબસીડી મળતી નહતી. હવે ઓનલાઈન થી માછીમારોને તાત્કાલિક સબસીડી મળી જશે તો રોજગારી રળવી આસાન બની જશે