મનોરંજન / અમદાવાનું એક સમયનું જૂનું રૂપમ થિયેટર નવા અવતારમાં શરૂ, જાણો ટિકિટનો ભાવ

• અમદાવાદમાં હવે 100 રૂપિયા ટિકિટમાં જોવા મળશે ફિલ્મ
• 50 રૂપિયામાં પોપકોર્ન, સમોસા કે પેપ્સીની મજા માણી શકશો
• જુનુ રૂપમ નવા પહેરવેશમાં એકદમ મસ્ત ફિલિંગ આપશે

ફિલ્મ રસિયાઓ માટે સારા સમાચાર છે. ગુજરાતમાં એક વખત સિનેમાની જે જાહોજલાલી હતી તે પરત આવે તેમ છે. જો કે, વેબસિરિઝ અને નેટફ્લિક્સ કે એમેઝોનના જમાનામાં થિયેટર સુધી ફરીથી દર્શકોને ખેંચી લાવવા આ પ્રયાસ ખુબ સરસ છે. અમદાવાદના રીલીફ રોડ પર તારીખ 8 ફેબ્રુઆરી 1952ના રોજ સ્થપાયેલ જુના રૂપમ સીનેમા એ અમદાવાદીઓને યાદ જ હશે. 68 વર્ષે ફરીથી જમાના સાથે નવા રંગરૂપ ધરીને લોકો માટે હાજર છે.  

 
8મીથી દર્શકો માટે ખુલ્લુ મુકાયો

8 ફેબ્રુઆરી 2020 ડીજીટલ ડોલ્બી, રિક્લાઇન બેઠકો, એસી અને વિશાળ પાર્કિંગ સહિત ની ખાસ ડિઝાઇન સાથે નવીનીકરણ કરી ખુલ્લું મુકાયું છે. ગુજરાતી સિનેમા અને થિયેટર બંને અપડેટ થઈ રહ્યા છે. 

ટિકિટના વાજબી દર રખાયા

ટિકિટના દર ખીસ્સાને પરવડે તેવા રાખવામાં આવ્યા છે ખાલી 100 રૂપિયામાં મનગમતી ફિલ્મની મજા માણી શકાય છે. એટલું જ નહીં પરંતુ નાસ્તાના ભાવ પણ ફિક્સ 50 રૂપિયા જ રાખવામાં આવ્યા છે. જેમાં સમોસા, પેપ્સી, પોપકોર્ન જેવા ફૂડના ઓપ્શન પણ છે.