લોકપ્રિય ધારાવાહિક અનુપમાની લીડ એક્ટ્રેસે વધારી પોતાની ફી. એક્ટ્રેસે હવે ફી બમણી કરી દેતા ટેલિવિઝનના અન્ય સ્ટાર્સને પણ મૂકી દીધા પાછળ
રુપાલી ગાંગુલીએ વધારી ફી
લોકપ્રિય ટીવી સિરીયલ અનુપમાની લીડ એક્ટ્રેસ
3લાખ રુપિયા એક દિવસની લે છે ફી
ટૂંક જ સમયમાં દરેક ઘરમાં લોકપ્રિય થયેલી ટીવી ધારાવાહિક એટલે અનુપમા. ભાગ્યેજ કોઇ એવુ હશે જે આ ધારાવાહિક નહી જોતુ હોય. ત્યારે વાત કરીએ સિરીયલની લીટ એક્ટ્રેસ એટલે કે રુપાલી ગાંગુલી. રુપાલી ગાંગુલીએ પોતાના અભિનયથી તમામ લોકોના દિલમાં જગ્યા બનાવી લીધી છે. પરંતુ શું તમને ખબર છે કે રુપા ગાંગુલી એક દિવસની કેટલા રુપિયા ફી લેછે.
રુપાલી ગાંગુલીએ વધારી ફી
એક ખાનગી વેબસાઇટ દ્રારા મળતી માહિતી અનુસાર રુપાલી ગાંગુલીએ પોતાની ફી વધારી દીધી છે. આ એકટ્રેસ હવે રોજના 3 લાખ રુપિયા જેટલી ફી લે છે. જો કે શૉની પોપ્યુલારીટી અને તેની એક્ટિંગના જોરે દરેક લોકોમાં પોતાની જગ્યા બનાવી લીધી છે. રુપાલીને અગાઉ દિવસના દોઢ લાખ રુપિયા ફી મળતી હતી પરંતુ તે હવે હાઇએસ્ટ પેઇડ ટેલિવિઝન એક્ટર બની ગઇ છે.
રૂપાલી ફી વધારીને ટીવીની સૌથી વધુ કમાણી કરનાર અભિનેત્રી બની ગઈ છે. આવી સ્થિતિમાં, તે ચોક્કસ છે કે શોની લોકપ્રિયતા સિવાય, તે રૂપાલીના અભિનય અને સખત મહેનતને કારણે આ સિદ્ધિને પાત્ર છે.
અનુજ કાપડિયા અને વનરાજને મળે છે આટલી ફી
અનુજ કાપડિયા અને વનરાજ શાહની વાત કરીએ તો બંનેને રોજના 1.5 લાખ રૂપિયા મળે છે. આ તે રકમ છે જે રૂપાલીને અગાઉ મળતી હતી. ત્યારે એ વાત ચોક્કસ છે કે રુપાલીએ પોતાની ફી વધારીને ફીની રેસમાં તમામ સ્ટાર્સને પાછળ છોડી દીધા છે.
રૂપાલીની કારકિર્દી
રૂપાલી ગાંગુલીએ વર્ષ 2000માં સિરિયલ 'સુકન્યા'થી ટીવીની દુનિયામાં પગ મૂક્યો હતો. તે પછી તે 2003 થી 2005 દરમિયાન સંજીવની માં ડોક્ટર સિમરનના રોલમાં પણ જોવા મળી હતી અને ઘણી લોકપ્રિયતા મેળવી હતી. 2004 અને 2006 ની વચ્ચે આવેલી 'સારાભાઈ Vs સારાભાઈ'માં મોનિષા સારાભાઈના પાત્રએ તેમને લોકપ્રિયતામાં વધારો કર્યો હતો. રૂપાલી ગાંગુલી કાવ્યાંજલિ અને કહાની ઘર ઘર કીમાં પણ જોવા મળી છે.