ચૂંટણી / કોંગ્રેસના રાજમાં 100 રૂપિયા લેવા 2 જોડી ચપ્પલ ઘસવા પડતાઃ રૂપાલા

બનાસકાંઠા બેઠકથી ભાજપ દ્વારા પરબત પટેલનુ નામ જાહેર કરવામાં આવ્યુ છે. ત્યારે હવે ધાનેરામાં પરબત પટેલના સમર્થનમાં પુરષોતમ રૂપાલાએ સભા સંબોધી હતી. આ સભા દરમિયાન પુરષોતમ રૂપાલાએ ભાજપને મત આપવામાં માટે લોકોને અપીલ કરી હતી.

રૂપાલાએ સભા સંબોધતા જણાવ્યુ કે, દેશના લોકોએ મોદીને ફરી એક વખત PM બનાવવા મન બનાવી લીધુ છે. સાથે જ તેમણે કોંગ્રેસ પર પ્રહાર કરતા જણાવ્યુ કે, કોંગ્રેસના રાજમાં 100 રૂપિયા કમાવવા માટે 2 જોડી ચપ્પલ ઘસવા પડતા.
મહત્વનું છે કે સર્જિકલ સ્ટ્રાઇક અને એર સ્ટ્રાઇક મુદ્દે પર તેમણે નિવેદન આપ્યું હતું. જેમાં કોંગ્રેસ પર આકરા પ્રહારો કર્યા હતા.

પ્રતિબંધિત પાઉચ આવ્યા ક્યાંથી?
જોકે બીજી બાજુ બનાસકાંઠામાં રૂપાલાની સભામાં પ્રતિબંધિત પાણીના પાઉચ જોવા મળ્યા હતા. બનાસકાંઠાના લાખાણી ખાતે સભા સ્થળે પ્રતિબંધિત પાણીના પાઉચનો ઉપયોગ કરવામાં આવ્યો હતો.