.. તો પોતાનું વર્ષો જૂનું ઘર છોડી દેશે સલમાન ખાન કારણ છે ચોંકાવનારું

સુપરસ્ટાર સલમાન ખાનને લઇને તાજેતરમાં થયેલી ચર્ચા અનુસાર તેના પેરેન્ટ્સ સલીમ ખાન અને સલમા ખાન દ્વારા વર્ષ 2011માં ચાર હજાર વર્ગફૂટનો એક પ્લોટ ખરીદવામાં આવ્યો હતો. આ પ્લોટ બાંદ્રામાં આવેલો છે. જ્યાં પહેલાથી જ બે કોટેજ બનેલા છે. જેના માટે 14.4 કરોડની રકમ આપવામાં આવી હતી. નોંધનીય છે કે સલમાન ખાન વર્ષોથી ગેલેક્સી એપાર્ટમેન્ટમાં જ રહે છે. જ્યાં તેણે પોતાની જિંદગીના અનેક ઉતારચડાવ જોયાં છે. 



હવે એવું સાંભળવામાં આવી રહ્યુ છે કે સલમાનની ફેમિલી અહીંયા છ માળનું ઘર બનાવવાનું પ્લાનિંગ કરી રહી છે. જે માટે મુંબઈ નગરપાલિકાની મંજૂરી માટે જરુરી દસ્તાવેજ પણ જમા કરાવી ચૂકી છે. જેના નકશામાં દર્શાવ્યાનુસાર સલમાનના આ નવા ઘરમાં લગભગ 16 કારનું પાર્કિંગ થાય તેટલી જગ્યા બેઝમેન્ટમાં છોડવામાં આવશે.



આ સિવાય ગ્રાઉન્ડ ફ્લોર પર લૉબી કિચર અને ફેમિલી રૂમ હશે ઉપરના ફ્લોર પર 2 બેડરૂમ્સના ફ્લેટ બનાવવામાં આવશે. કહેવામાં આવી રહ્યુ છે કે નગરપાલિકા તરફથી મંજૂરી મળતા જ આ પ્લોટ પર કામ શરૂ કરી દેવામાં આવશે. હાલમાં આ જગ્યા પર બનેલા કૉટેજમાં ખાન પરિવાર સલમાનના ફેશન બ્રાન્ડની સાઇકલ પાર્ક  થયેલી છે. આથી હવે જોવું એ રહ્યું કે એકવાર જ્યારે અહી આલીશાન ઘર બનીને તૈયાર થઈ જશે ત્યારે શું સલમાન ખાન પોતાના જૂનાં ગેલેક્સી એપાર્ટમેન્ટને છોડીને અહીં શિફ્ટ થવા માટે સરળતાથી રાજી થશે ખરાં?