પોસ્ટ ઓફિસમાં નવું ખાતું ખોલાવનાર ગ્રાહકને સરકાર તરફથી પાંચ લાખ રૂપિયા આપવામાં આવી રહ્યા છે આ સાથે જ દીકરીની લગ્ન સમયે પરિવારને આર્થિક મદદ કરવામાં આવશે.
જેવી આ વાતની ખબર ફેલાઇ ત્યાં તો પોસ્ટ ઓફિસમાં ખાતુ ખોલાવવા માટે લોકોની લાંબી લાઇનો શરૂ થઇ ગઇ. આ સાથે જ આ ભીડને નિયંત્રિત કરવા માટે સ્થાનિક પોલીસ બોલાવવી પડી.
આ સમગ્ર મામલો ઝારખંડના પલામૂ જિલ્લાનો છે. આ ગામમાં કેટલાક લોકોએ એવી એફવા ફેલાવી હતી કે પોસ્ટ ઓફિસમાં ખાતુ ખોલાવવા પર સરકાર 5 લાખ રૂપિયા આપે છે.
જો કે ત્યારબાદ સ્થાનિક પોસ્ટ ઓફિસમાં લોકોની લાંબી કતાર જોવા મળી હતી. હજારોની સંખ્યામાં લોકો પોસ્ટ ઓફિસ પહોંચ્યા હતા. લાંબી કતારમાં મહિલાઓની સંખ્યા વધારે હતી.
જો કે પોસ્ટ વિભાગના ડાલટનગંજના અધિકારી એ.કે.તિવારીએ કહ્યું હતું કે સરકાર તરફથી આવી કોઇ પ્રકારની યોજના શરૂ કરવામાં આવી નથી.
આ સાથે અમે ભીડને એવું સમજાવ્યું કે સરકારની આવી કોઇ યોજના નથી. જેમાં ગ્રાહકોને આટલા બધા રૂપિયા આપવામાં આવે. જો કે આ વાત કહ્યા પછી પણ લોકોની ભીડ ઓછી થઇ નહોંતી અને મોટી સંખ્યામાં ગ્રામજનોએ ખાતા ખોલાવ્યા હતા.