બેન્કિંગ ચાર્જીસ વધવાથી તમારા ખિસ્સા પર તેની અસર પડશે. તો અમુક કારો પણ પોતાના ભાવ વધારી રહી છે. જાણો શું શું બદલાઈ રહ્યું છે.
કાલથી બદલાઈ જશે આ નિયમો
આ બધી સર્વિસ પર વધી જશે ચાર્જ
જાણો વધુ વિગતે
ઓગસ્ટના મહિનાથી દેશમાં શેર બજાર ટ્રેડિંગ, બેન્કિંગ, સેલેરી-પેન્શનની ચુકવણી વગેરે સાથે જોડાયેલા નિયમો બદલાવવા જઈ રહ્યા છે. તેમાં એટીએમ, બેન્કિંગ ચાર્જીસ વધવાથી તમારા ખિસ્સા પર તેની અસર પડશે. તો અમુક કારો પણ પોતાના ભાવ વધારી રહી છે. જાણો શું શું બદલાઈ રહ્યું છે.
જો તમે શેર બજારમાં ખરીદ-વેચાણ કરો છો તો તમારી પાસે ચોક્કસ પણે ડિમેટ એકાઉન્ટ હશે. એવામાં તમને આજે એટલે કે 31 જુલાઈએ જ પોતાના ડીમેટ એકાઉન્ટની કેવાયસી પુરી કરી લેવી જોઈએ, કારણ કે આમ ન કરવા પર તમારૂ એકાઉન્ટ ડિએક્ટિવેટ થઈ શકે છે.
ડિમેટ એકાઉન્ટ
ડિમેટ ખાતાની સુવિધા આપતી ડિપોઝીટરી કંપની CDSL અને NDSLએ એપ્રિલ 2021માં જ સર્કુલર જાહેર કરીને એવું કહ્યું હતું કે ગ્રાહકોને 31 જુલાઈ સુધી પોતાના ડિમેટ ખાતાને અપડેટ કરાવવાનું રહેશે. ગ્રાહકોને પોતાનું નામ, સરનામુ, પાન, મોબાઈલ નંબર, ઈ-મેલ આઈડી અને આવકની રેન્જ કેટલી છે એટલે કે આવક કેટલી છે, તેની જાણકારી અપડેટ કરાવવાની રહેશે.
ATM
RBIએ ATMમાંથી પૈસા ઉપાડવાના નિયમો બદલી નાખ્યા છે. તેની સાથે જોડાયેલા નિયમો 1 ઓગસ્ટથી લાગુ થઈ રહ્યા છે. ત્યાર બાદ હવે તમારે ATMમાંથી પૈસા કાઠવા મોંઘા થઈ જશે. ભારતીય રિઝર્વ બેન્કે ATMમાંથી લેવડદેવડ પર ઈન્ટરચેન્જ ફી વધારી દીધી છે. હવે તમે જો પોતાની બેન્કના સિવાય કોઈ બીજી બેન્કના એટીએમમાંથી પૈસા ઉપાડશો તો ફ્રી લિમિટથી વધારે ટ્રાન્ઝેક્શન પર તમારે વધારે પૈસા આપવાના રહેશે.
નવા નિયમો અનુસાર હવે દરે ATMમાં ફાઈનાન્શિયલ ટ્રાન્ઝેક્શન માટે ઈન્ટરચેન્જ ફી 15 રૂપિયા વધીને 17 રૂપિયા કરી દેવામાં આવી છે. ત્યાં જ નોન ફાઈનાન્શિયલ ટ્રાન્ઝેક્શન માટે આ 5 રૂપિયા વધીને 6 રૂપિયા કરી દેવામાં આવ્યા છે.
બેન્ક હોલિડે અને રવિવારે પણ ખાતામાં જમા થશે સેલેરી
ભારતીય રિઝર્વ બેન્કે National Automated Clearing Houseની સુવિધામાં એક મોટો ફેરફાર કર્યો છે. તેના કારણે હવે મહિનાના છેલ્લા રવિવાર અથવા બેન્ક હોલિડે હોવાના કારણે તમારી સેલેરી અને પેન્શન ખાતામાં પડવામાં મોડુ નહીં થાય. તેના કારણે તમારૂ જરૂરી પેમેન્ટ પણ ડ્યુ અથવા તો લેટ નહીં થાય.
પોસ્ટ
India Post Payments Bank પણ કાલથી પોતાના ડોર સ્ટેપ બેન્કિંગ ચાર્જીસ વધારવા જઈ રહ્યું છે. નવા રેટના હિસાબથી બેન્કના ગ્રાહકોને દર હોમ વિઝિટ પર બેન્કિંગ સર્વિસ માટે 20 રૂપિયાનો ચાર્જ આપવાનો રહેશે. તેના પર GST અલગથી લાગશે.
SUVના ભાવ વધશે
Toyota Kirloskar Motor કાલથી એટલે કે 1 ઓગસ્ટથી પોતાની સૌથી લોકપ્રિય SUV કાર Innova Crystaના ભાવ 2% વધારવા જઈ રહી છે. ત્યાર બાદ તેની કિંમત લગભગ 32,000થી લઈને 48,000 રૂપિયા સુધી વધી જશે. આ ઉપરાંત કાવાસાકી ઈન્ડિયા પણ પોતાની મોટરસાઈકલની કિંમત 6,000થી 15,000 રૂપિયા સુધી વધારવા જઈ રહી છે.