'રાજા'નીતિ / વાહ રે ભાજપઃ કાર્યકારો માટે વંશવાદના નિયમ, બીજી બાજુ CR પાટીલના પુત્રને મોટું પદ આપી દીધું

• પાટીલે જ કર્યો વંશવાદ ?
• પુત્રને અપાવ્યો મોટો હોદ્દો 
• ફુટબોલ એસો. વાઈસ પ્રેસિડેન્ટ બન્યો જીજ્ઞેશ પાટીલ

ભાજપના પ્રદેશ પ્રમુખ સી.આર પાટીલના પુત્ર જીજ્ઞેશ પાટીલને ફૂટબોલ એસોસિએશનનો વાઈસ પ્રેસિડેન્ટ બનાવવામાં આવ્યો છે. સ્થાનિક સ્વરાજની ચૂંટણીની જાહેરાતથી જ સી.આર પાટીલ પરિવારવાદના વિરુદ્ધમાં નિવેદન આપી રહ્યા હતા. ત્યારે તેમના વિરોધી માટે હવે નવો મુદ્દો હાથમાં આવ્યો છે.

પાટીલે વંશવાદનું બહાનું કાઢી અનેક નેતાના પુત્રોની ટિકિટ કાપી છે. તેમાં વાઘોડિયાના ધારાસભ્ય મધુ શ્રીવાસ્તવના પુત્રની પણ ટિકિટ કપાઈ છે. નાના કાર્યકરો માટે સગાવાદ અને મોટા નેતાને કોઈ નિયમ નડતો નથી. ઘરની મા અને ઘરના ભૂવા જેવો ઘાટ ભાજપમાં ઘડાયો હોઈ તેવું લાગે છે. 

સળગતા સવાલો

• શું પાટીલ માટે વંશવાદનો કોઈ નિયમ નથી?
• કાર્યકરોની ટિકિટ વંશવાદ કહી કાપી, પુત્રને આપી દીધો હોદ્દો?
• શું સી.આર.પાટીલ પોતાની મનમાની ચલાવી રહ્યા છે?
• પોતાના પુત્ર માટે પાટીલે નિયમો નેવે મુક્યા?
• નાના નેતાઓના પુત્રને ટિકિટની ના, પુત્રને આપી મલાઈ?
• શું સી.આર.પાટીલના પુત્ર જીજ્ઞેશ ફુટબોલના ખેલાડી છે?
• જીજ્ઞેશ પાટીલે ફુટબોલમાં મેળવી છે કોઈ મોટી સિદ્ધી?
• ફુટબોલના ગ્રાઉન્ડમાં જીજ્ઞેશે પાડ્યો છે ક્યારે પરસેવો?
• એસોસિએશનના ઉપ પ્રમુખ માટે રાજ્યમાં બીજુ કોઈ ન હતું?
• આને ઘરની મા અને ઘરના ભૂવા જેવું ન કહી શકાય?