ગુજરાત ડીજીપી આશિષ ભાટીયાના હેલ્મેટ ફરજીયાતના આદેશ બાદ હવે નાગરિકોની સાથે પોલીસ પર તવાઈ શરૂ થઈ. અમદાવાદ ગ્રામ્યમા હેલ્મેટ વગર જોવા મળતા પોલીસ જવાનને દંડ ફટકારવાનુ અભિયાન શરૂ થયુ. જો પોલીસ જવાનને 3 વખત દંડ મળ્યો તો તેને સસ્પેન્ડ પણ કરાશે. હવે નાગરિક પણ હેલ્મેટ વગર દેખાતા પોલીસ કર્મચારીને દંડ ફટકારી શકશે.
હવે પોલીસ પર પણ તવા!
કાયદો પોલીસને પણ લાગુ પડે છે
નિયમોનો ભંગ ભારે પડશે
હેલ્મેટ નહિ પહેરનાર પોલીસ જવાનને દંડ ફટકારવામા આવ્યો
ગુજરાતના ડીજીપી આશિષ ભાટીયાએ વાહન ચાલકને હેલ્મેટ ફરજીયાત પહેરવાનો આદેશ આપતા અમદાવાદ, સુરત, વડોદરા અને રાજકોટમા હેલ્મેટને લઈને ટ્રાફિક ડ્રાઈવ શરૂ કરવામા આવી.. 20 સપ્ટેમ્બર સુધી આ ડ્રાઈવ દ્રારા હેલ્મેટ નહિ પહેરનાર લોકો પર કાર્યવાહી શરૂ કરી છે. આ અભિયાનમા હવે પોલીસ જવાન પણ બાકાત નથી.. અમદાવાદ ગ્રામ્ય એસ પી વિરેન્દ્રસિંહ યાદવના આદેશ બાદ હેલ્મેટ નહિ પહેરનાર પોલીસ જવાનને દંડ ફટકારવામા આવ્યો. બોપલ પોલીસ સ્ટેશનમા બે મહિલા કોન્સ્ટેબલ અને એક પોલીસ કોન્સ્ટેબલને હેલ્મેટ નહિ પહેરવા બાબતે કાર્યવાહી કરતા પોલીસ વિભાગમા ખળભળાટ મચી ગયો છે.
સીટ બેલ્ટને ફરજિયાત બનાવવા આ કડક અમલીકરણનું અભિયાન
ટ્રાફિક નિયમનું પાલન દરેક નાગરિક ની સલામતીને લઈને હોય છે. રાજ્ય સરકાર અને કેન્દ્ર સરકારે સલામતીને ધ્યાનમાં રાખીને કાયદો કડક કર્યો છે. દેશમાં દર વર્ષે લાખોની સંખ્યામાં વાહન ચાલકો અકસ્માતમાં મૃત્યુ પામે છે. હેલ્મેટ અને સીટ બેલ્ટ ને ફરજિયાત બનાવવા આ કડક અમલીકરણ નું અભિયાન શરૂ કરવામાં આવ્યુ.. આ નિયમ નાગરિકો અને પોલીસ જવાન માટે પણ ફરજીયાત છે. જેથી જો પોલીસ કર્મચારી 3 વખત નિયમનો ભંગ કરતા ઝડપાયા તો તેમની પાસે બમળો દંડ તો વસુલાશે. આ ઉપરાંત તેઓને સસ્પેન્ડ કરવાના પણ આદેશ આપવામા આવ્યા છે.
ઉલ્લેખનીય છે કે ટ્રાફિક ના નિયમોની કાર્યવાહી દરમ્યાન ટ્રાફિક પોલીસ અને વાહન ચાલક વચ્ચે અનેક વખત ઘર્ષણ થતું હોય છે.. પણ હવે પોલીસ પર ટ્રાફિકના નિયમોને લઈને તવાઈ આવી છે. જેથી નાગરિકોમા પણ ટ્રાફિકના નિયમોને લઈને જાગૃતતા આવે તેવી અપીલ પોલીસે કરી છે..