Rules Changes From 1st April 2023: 1 એપ્રિલથી ઘણા એવા ફેરફાર થશે જેની સીધી અસર સામાન્ય માણસના ખિસ્સા પર પડશે. આમાંથી ઘણા ફેરફારની ઘોષણા બજેટમાં કરવામાં આવી છે જે આવતીકાલથી લાગુ થશે
1 એપ્રિલથી ઘણા ફેરફાર થશે
આમાંથી ઘણા ફેરફારની ઘોષણા બજેટમાં કરવામાં આવી છે
દવા, સોનું અને ટેક્સથી જોડાયેલ ઘણા બદલાવ આવતીકાલથી થશે
Rules Changes From 1st April 2023: એપ્રિલ મહિનો નાણાકીય દ્રષ્ટિએ ખૂબ જ મહત્વપૂર્ણ માનવામાં આવે છે. નવું નાણાકીય વર્ષ એપ્રિલ મહિનાથી શરૂ થવા જઈ રહ્યું છે. આવી સ્થિતિમાં આવતા મહિને એટલે કે આવતીકાલથી ઘણા મોટા ફેરફારો થવા જઈ રહ્યા છે જેની સીધી અસર સામાન્ય લોકોના ખિસ્સા પર પડશે. 1 એપ્રિલથી ઘણા એવા ફેરફાર થશે જેની સીધી અસર સામાન્ય માણસના ખિસ્સા પર પડશે. આમાંથી ઘણા ફેરફારની ઘોષણા બજેટમાં કરવામાં આવી છે અને આ ફેરફાર 1 એપ્રિલથી લાગુ થવા જઈ રહ્યા છે. આ સિવાય કેન્દ્ર સરકાર દ્વારા દવા, સોનું અને ટેક્સથી જોડાયેલ ઘણા બદલાવ આવતીકાલથી થશે.
ચાલો જાણીએ 1 એપ્રિલથી કયા ફેરફાર થવા જઈ રહ્યા છે?
1. નવા ટેક્સ રીઝીમમાં બદલાવ
1 એપ્રિલ દેશના કરોડો કરદાતાઓ માટે ઘણા મોટા ફેરફારો લાવી રહ્યું છે. નાણાપ્રધાને બજેટમાં નવી કર વ્યવસ્થા અંગે કરેલી જાહેરાતો અમલમાં મૂકવામાં આવશે. આ અંતર્ગત રિબેટની મર્યાદા 5 લાખ રૂપિયાથી વધીને 7 લાખ રૂપિયા થઈ જશે. આ સિવાય નવી ટેક્સ સિસ્ટમ અપનાવનારા લોકોને 50,000 રૂપિયાના સ્ટાન્ડર્ડ ડિડક્શનનો લાભ પણ મળશે. એટલે કે 7.5 લાખ રૂપિયા સુધીનો પગાર હવે ટેક્સ ફ્રી રહેશે. આ સાથે જ નવી ટેક્સ વ્યવસ્થા હેઠળ, 0 થી 3 લાખ પર ઝીરો, 3-6 લાખ પર 5 ટકા, 6 થી 9 લાખ પર 10 ટકા, 9 થી 12 લાખ પર 15 ટકા અને 15 લાખથી વધુ પર 30 ટકા ટેક્સ સ્લેબ નક્કી કરવામાં આવ્યો છે.
2. હોલમાર્ક નિયમોમાં ફેરફાર
લી એપ્રિલથી હોલમાર્કિંગના બદલે નિયમો પણ બદલાઈ રહ્યા છે. નવા નિયમ હેઠળ, હવે તમામ સોનાના દાગીના માટે 6 અંક આલ્ફાન્યુમેરિક હોલમાર્કિંગ ફરજિયાત હશે. તેને હોલમાર્ક યુનિક આઇડેન્ટિફિકેશન નંબર કહેવામાં આવે છે.
3. મહિલા સન્માન સ્કીમ થશે શરૂ
નાણામંત્રીએ બજેટમાં મહિલાઓ માટે ખાસ બચત યોજના શરૂ કરી હતી. આ યોજના 'મહિલા સન્માન બચત પ્રમાણપત્ર' છે, જેમાં મહિલાઓને રોકાણ પર 7.5 ટકા વ્યાજ મળશે. 2 લાખ રૂપિયાની સ્કીમથી બે વર્ષમાં 32 હજાર રૂપિયાનો ફાયદો થશે.
4. ડેટ મ્યુચ્યુઅલ ફંડ પર ટેક્સ લાભ ખતમ
જો તમે ટેક્સ બેનિફિટ્સ માટે ડેટ મ્યુચ્યુઅલ ફંડમાં રોકાણ કરી રહ્યા છો, તો એપ્રિલથી તમને આ લાભ નહીં મળે. ડેટ ફંડ્સ પર ઉપલબ્ધ લાંબા ગાળાના લાભો 1 એપ્રિલ 2023 થી સમાપ્ત થશે.
5. પ્રધાન મંત્રી વય વંદના યોજના થશે બંધ
વૃદ્ધાવસ્થા પેન્શન સંબંધિત મુખ્ય યોજના, પ્રધાનમંત્રી વય વંદના યોજના પણ 1લી એપ્રિલથી સમાપ્ત થઈ રહી છે. આ યોજનામાં એકમ રકમ જમા કરાવીને પેન્શનનો લાભ મળતો હતો.
6. BS-6 તબક્કો 2 લાગુ થશે
વાહનો માટે BS6 તબક્કો 2 પ્રદૂષણ સંબંધિત ધોરણોને આગલા સ્તર પર લઈ જવાનું શરૂ કરી રહ્યું છે. આ માટે કંપનીઓએ કેટલાક ખાસ ફેરફાર કરવા પડશે, જેનો ખર્ચ ગ્રાહકોએ ઉઠાવવો પડશે. આ કારણે લગભગ તમામ કાર 20 થી 30 હજાર રૂપિયા મોંઘી થઈ જશે. સાથે જ તેની અસર ટુ-વ્હીલર પર પણ પડશે.
7. PAN વિના PF ઉપાડવા પર ઓછો ટેક્સ
જો તમે તમારા પ્રોવિડન્ટ ફંડમાંથી પૈસા ઉપાડવા માંગો છો, તો તમારે હવે ઓછો ટેક્સ ચૂકવવો પડશે. 1 એપ્રિલથી જો PAN PF એકાઉન્ટ સાથે લિંક નથી તો ઉપાડ દરમિયાન 30 ટકાની જગ્યાએ 20 ટકા ટેક્સ ચૂકવવો પડશે.
8. સિનિયર સિટીઝન્સ સેવિંગ સ્કીમમાં વધુ રોકાણ
હવે સિનિયર સિટીઝન્સ સેવિંગ સ્કીમમાં પહેલા કરતા વધુ રોકાણ કરી શકે છે. આ રોકાણની મર્યાદા વધારીને 30 લાખ રૂપિયા કરી દેવામાં આવી છે. આ યોજનામાં વાર્ષિક 8 ટકા વ્યાજ આપવામાં આવે છે.
9. મોંઘી થશે દવાઓ
1 એપ્રિલથી દવાઓ પણ મોંઘી થવા જઈ રહી છે, આ અંતર્ગત પેઈનકિલર, એન્ટી ઈન્ફેકટીવ, એન્ટીબાયોટીક્સ અને હાર્ટની દવાઓ મોંઘી થવા જઈ રહી છે. સરકારે દવા કંપનીઓને ભાવ વધારવાની છૂટ આપી છે. જ
10. ગેસ સિલિન્ડરની કિંમતમાં ફેરફાર થશે?
આ ફેરફારને નાણાકીય વર્ષ સાથે કોઈ લેવાદેવા નથી. સરકારી ઓઇલ માર્કેટિંગ કંપનીઓ દર મહિનાની પહેલી તારીખે ગેસ સિલિન્ડરના ભાવની સમીક્ષા કરે છે. તો આ મહિને પણ ભાવ વધારો થઈ શકે છે.