નિયમો / તમારે કરવુ પડશે ડ્રાઇવિંગ લાયસન્સ અપડેટ, 1 ઓક્ટોબરથી બદલાશે નિયમો, ખિસ્સા પર પડશે અસર

• દેશભરમાં 1 ઓક્ટોબર 2019થી બેન્કિંગ, ટ્રાન્સપોર્ટિંગ, GST ક્ષેત્ર સહિત 8 પરિવર્તન આવશે.
• સામાન્ય જનતાના ખિસ્સા પર સીધી થશે અસર

- હવે આખા દેશમાં ડ્રાઇવિંગ લાયસન્સ-RC ના બુકના રંગ રૂપ બદલાઇ જશે. 1 ઓક્ટોબરથી દેશથી આખા દેશમાં ડ્રાઇવિંગ લાયસન્સ અને ગાડીઓ રજિસ્ટ્રેશનની RC બુકનો રંગ, લુક, ડિઝાઇન અને સેફ્ટી ફિચર્સ એક જ જેવો હશે, સ્માર્ટ DL અને RC માં માઇક્રોચિપ અને QR કોડ ડિવાઇસ આપવામાં આવશે. દરેક રાજ્યાં DL,  RC નો રંગ  એકસરખો હશે, પ્રિન્ટિંગ એક સરખું હશે. આ ઉપરાંત DL અને RC મા માહિતી પણ  એકસરખી અને એક જ જગ્યાએ આપવામાં આવશે.

- RBI એ રેપો રેટમાં કરાયેલા ઘટાડાનો લાભ ગ્રાહકો સુધી પહોંચાડવા માટે SBI એ 1 ઓક્ટોબરથી પોતાની લોન વ્યાજ દરને રેપો રેટ સાથે જોડવાનો નિર્ણય કર્યો છે, તેનાથી ગ્રાહકોને 0.30% સસ્તા દરે હોમ અને ઓટો લોન મળી શકશે. SBI ઉપરાંત યુનિયન બેંક ઑફ ઈન્ડિયા, સેંટ્રલ બેંક ઑફ ઈન્ડિયા, પંજાબ નેશનલ બેંક, ઈંડિયન બેંક, પ્રાઈવેટ સેક્ટરની ફેડરલ બેંકે પણ 1 ઓક્ટોબરથી લોનના વ્યાજ દરને રેપો રેટ સાથે જોડવાનો નિર્ણય કર્યો છે. અત્યાર સુધી બધી જ બેંક MCLR આધારિત વ્યાજ દરથી લોન આપતા હતા. 

- 1 ઓક્ટોબરથી મેટ્રો શહેરના ગ્રાહકો માટે મંથલી મિનિમમ બેલેન્સની રકમ 5000 રૂપિયાથી ઘટાડીને 3000 રૂપિયા કરી નાખવામાં આવશે. આ ઉપરાંત શહેરી વિસ્તારોમાં બેંકએકાઉન્ટ હોલ્ડર્સ જો મિનિમમ બેલેન્સ ન રાખવા પર લાગતો ચાર્જ પર ઓછો કરી નાખવામાં આવશે. આવામાં ગ્રાહકોને એકાઉન્ટમાં 75 ટકા કરતા ઓછી રકમ હશે તો 15 રૂપિયા GST સાથે દંડ લાગશે, જે  અત્યારે 80 રૂપિયા પ્લસ GST હતો. 50થી 75 ટકા રકમ હોવા પર 12 રૂપિયા અને GST લાગશે, જે અત્યારે 60 રૂપિયા અને GST છે.

- GST કાઉન્સિલે હોટલ ભાડામાં GST ઘટાડવાનો નિર્ણય કર્યો છે. વિત્તમંત્રી નિર્મલા સાતીરમણે કહ્યુ કે, 1000 થી 7500 રૂપિયા સુધીની હોટલના રૂમ પર GST ની દરને 18% થી ઘટાડીને 12% કરવામાં આવ્યો. તો બીજી તરફ 7500 રૂપિયાથી વધારે કિંમતના હોટલના રૂમ પર 28% ની જગ્યાએ 18% GST દર કર્યો. 1000 રૂપિયાથી ઓછી કિંમતના હોટલના રૂમ પર કોઇ GST દર નહી લાગે. નવા દર 1 ઓક્ટોબરથી જ લાગૂ થશે. જોકે GSTના નવા દર એ લોકો પર પણ લાગુ પડશે જેણે 1 ઓક્ટોબર પછી માટે બુકિંગ કરાવ્યુ છે.

- પાંચ કરોડથી વધુ વાર્ષિક ટર્ન ઑવર ધરાવતા વેપારીઓ માટે GST રિટર્નનું ફોર્મ 1 ઓક્ટોબરથી બદલાઇ જશે. તેમણે ફરજિયાત GST એનેક્સ 1 ફોર્મ ભરવુ પડશે જે GSTR-1ની જગ્યા લેશે. નાના વેપારીઓ માટે જાન્યુઆરી 2020થી આ ફોર્મ ફરજિયાત બનાવવામાં આવશે. મોટા ટેક્સ પેયર અત્યારે ઓક્ટોબર અને નવેમ્બર માટે GSTR 3B ફોર્મ ભરશે.

- સરકારે કેન્દ્ર સશસ્ત્ર પોલીસ બળને પેન્શનના નિયમોમાં ફેરફાર કર્યા છે. જે 1 ઓક્ટોબરથી લાગૂ પડશે. હાલના નિયમ અનુસાર, કેન્દ્રીય કર્મચારીની સેવા સાત વર્ષથી વધુ હોય અને તેનુ મોત થાય તો પરિવારને છેલ્લી સેલેરીના 50% રકમ પેન્શન તરીકે મળે છે. હવે નવા ફેરફાર મુજબ જો આ સર્વિસને સાત વર્ષ પૂરા ના થયા હોય તો પરિવારને પેન્શનનો લાભ આપવામાં આવશે. 

-તો બીજી તરફ 2 અક્ટોબરથી સિંગલ યુઝ્ડ પ્લાસ્ટિક પર દેશભરમાં પ્રતિબંધ મૂકી દેવાશે.