હાલમાં જ ઇડુક્કીના પૂર્વ સાંસદ જોયસ જ્યોર્જે વાયનાડના સાંસદ અને કોંગ્રેસ નેતા રાહુલ ગાંધી માટે અપમાનજનક ટિપ્પણી કરી છે.
ઉડુંબાચોલામાં સોમવારે LDF ઉમેદવાર મંત્રી એમએમ મણિના ચૂંટણી અભિયાનમાં જ્યોર્જે કહ્યું કે મહિલાઓને રાહુલ ગાંધીથી સાવધાન રહેવુ જોઇએ. રાહુલ માત્ર મહિલાઓની કોલેજમાં જાય છે. તે છોકરીઓને પોતાની માંસપેશીઓ વાળતા શીખવાડે છે. કોંગ્રેસ નેતા અવિવાહીત સંકટ છે.
CNN news-18 અનુસાર જ્યોર્જે કહ્યું કે, રાહુલ ગાંધીનો કાર્યક્રમ છે કે તે માત્ર મહિલાઓની કોલેજમાં જ જશે અને ત્યાં જઇને છોકરીઓને ઝૂકવાનુ શીખવાડશે. મારા પ્રિય બાળકો મહેરબાની કરીને ઝૂકશો નહી અને તેમની સામે ઉભા રહો, તેમણે લગ્ન નથી કર્યા.
મહિલાઓ અને રાહુલ વિરુદ્ધ ટિપ્પણી- કોંગ્રેસ
કેરળના વિપક્ષના નેતા રમેશ ચેન્નિથલાએ જ્યોર્જની ટિપ્પણીને મહિલાઓ અને રાહુલ ગાંધી વિરુદ્ધ બતાવી. તેમણે કહ્યું કે, મહિલાઓ અને રાહુલ ગાંધીનુ અપમાન કરવા બદલ જ્યોર્જ વિરુદ્ધ ફરિયાદ નોંધાવવી જોઇએ.
પૂર્વ સાંસદની ટિપ્પણીરાહુલ ગાંધી દ્વારા એક વિદ્યાર્થીને કોલેજમાં ટ્રેનિંગ આપ્યાના એક અઠવાડીયા બાદ આવી હતી. જપાની માર્શલ આર્ટ આઇકીડોમાં ટ્રેન્ડ રાહુલ ગાંધીએ જણાવ્યું કે કેવી રીતે કોઇ મહિલા જમીન પર પકડ બનાવવા માટે પોતાની ઉર્જાનો ઉપયોગ કરી શકે છે અને સાત બીજા લોકોને પણ મ્હાત આપી શકે છે.
ચૂંટણી પ્રચાર દરમિયાન કોંગ્રેસ નેતાએ તમિળનાડુમાં વિદ્યાર્થીઓ સાથે એક વાતચીત દરમિયાન પુશ-અપ ચેલેન્જ લીધો હતો. રાહુલ ચૂંટણી માટે પ્રચાર કરી રહ્યાં છે અને રેલીઓમાં પણ ભાગ લઇ રહ્યા છે સાથે જ લોકો સાથે વાતો પણ કરી રહ્યાં છે.