થોડાં સમય પહેલાં જ બિગ બોસ 14ની વિનર અને ટેલિવિઝન એક્ટ્રેસ રૂબીના દિલેક કોરોના સંક્રમિત થઈ હતી. ત્યારે હાલમાં જ તેણે એક ખાસ વીડિયો શેર કર્યો છે.
થોડાં સમય પહેલાં જ ટેલિવિઝન એક્ટ્રેસ રૂબીના દિલેક કોરોના સંક્રમિત થઈ હતી
કોરોના રિકવરીને લઈને તેણે એક ખાસ વીડિયો શેર કર્યો છે
રૂબીનાએ કોરોનાથી જલ્દી રિકવર થવાની પાંચ ટિપ્સ જણાવી
રૂબીના દિલેકે કોરોનાથી રિકવર થયા બાદ સોશિયલ મીડિયા પણ જણાવ્યું કે, તેણે આટલા ઓછાં સમયમાં કોવિડને કેવી રીતે મ્હાત આપી. તેણે એવી પાંચ ટિપ્સ જણાવી છે. જેનાથી ઝડપથી રિકવરી થાય છે. તેણે પોતાના ફોલોઅર્સ માટે એક વીડિયો પણ શેર કર્યો છે.
રૂબીનાએ વીડિયો પોસ્ટ કરીને લખ્યું કે, હું 19 દિવસથી વધુ સમય સુધી ક્વોરન્ટાઈન રહી પરંતુ આ પાંચ વસ્તુઓને કારણે મારી રિકવરી ખૂબ જ ઝડપથી થઈ. જેમાંથી સૌથી અગત્યનું છે તમારું મનપસંદ સંગીત સાંભળવું અને ખુશ રહેવું. વીડિયોમાં રુબીનાએ કેટલીક મહત્વપૂર્ણ બાબતો જણાવી છે જેમ કે, હેલ્ધી ખાવું, હાઇડ્રેટ રહેવું, યોગ કરવું, સમયસર દવાઓ લેવી, સંગીત સાંભળવું.
દરેક બીમારીમાં કામની છે આ ટિપ્સ
રુબીના દિલેકે જે હેલ્થ ટિપ્સ આપી છે કે ફક્ત કોરોનામાં જ મદદ નહીં કરે, પરંતુ કોઈ પણ રોગમાંથી ઝડપથી રિકવર કરવામાં પણ મદદ કરે છે. સકારાત્મક રહેવું, હેલ્ધી આહાર લેવો અને હાઇડ્રેટેડ રહેવું તે તમારા શરીરની રિકવરીમાં મદદ કરે છે. તેમજ સમયસર દવાઓ લેવી પણ ખૂબ જ મહત્વપૂર્ણ છે.
વિટામિન ડીનો મોટો રોલ
'બિગ બોસ' દરમિયાન રૂબીના દિલેક અને તેનો પતિ અભિનવ શુક્લા ફળો ખાતા અને સૂર્યના તડકામાં વિટામિન ડી લેતા જોવા મળતા હતા. લંગ્સના સ્વાસ્થ્યને સારું રાખવા માટે વિટામિન ડીની પણ મોટી ભૂમિકા છે.