ખાસ વાંચો / RTO ઓફિસ આવતીકાલથી ફરી ધમધમશે, જો આ કામ નહીં કર્યું હોય તો ધક્કો માથે પડશે

• RTO કચેરીઓ કાલથી ધમધમશે
• એપોઈન્ટમેન્ટ વિના પ્રવેશ નહીં
• કચેરી શનિ-રવિ પણ ચાલુ રહેશે

સોશિયલ ડિસ્ટન્સ રાખવા માટે આરટીઓ કચેરી બહાર સફેદ રંગથી એક મીટરના અંતરે ગોળ સર્કલ બનાવવામાં આવ્યાં છે. લાઇસન્સ સંબંધિત કામગીરી માટે ઓનલાઇન અપોઇન્ટમેન્ટ લેનાર અરજદારે ફરજિયાત હાજર રહેવું પડશે, તેમજ શનિવાર તથા રવિવારે સવારે ૯થી સાંજે ૬ વાગ્યા સુધી ડ્રાઇવિંગ ટેસ્ટ આપી શકાશે. 

શનિવાર અને રવિવારે પણ કચેરી ખુલ્લી રહેશે

વાહનોનાં લાઇસન્સ, ટેક્સ ચૂકવણું, દંડની વસૂલાત, ડ્રાઈવિંગ ટેસ્ટ સહિતની આરટીઓ સંબંધિત તમામ કામગીરી સોશિયલ ડિસ્ટન્સ,થર્મલ સ્કેનિંગ સહિતના નિયમો અને નિયંત્રણો સાથે શરૂ કરી દેવામાં આવશે. શનિવાર અને રવિવારે પણ આરટીઓ કચેરી ખુલ્લી રહેશે. 

HSRP ફિટમેન્ટ માટે બપોરના ૩ કલાક બાદનો સમય

HSRP ફિટમેન્ટ માટે આરટીઓ કચેરીએ બપોરના ૩ કલાક બાદ અરજદારોએ આવવાનું રહેશે. થર્મલ સ્કેનિંગ, સેનિટાઈઝ કર્યા બાદ કચેરીમાં પ્રવેશ મળશે. વાહન અને લાઇસન્સ સંબંધિત કામગીરી માટે ઓનલાઈન અપોઇન્ટમેન્ટ ફરજિયાત રહેશે. આંતર રાજ્ય વાહન માલિકી તબદિલી અને આરસી કેન્સલ માટે એપોઇન્ટમેન્ટની જરૂર રહેશે નહીં. 

સવારે ૯થી ૬.૩૦ દરમિયાન RTO કચેરી ખુલ્લી રહેશે

કચેરીની બહાર અરજદારો માટે મંડપ, પીવાનું પાણી, બેઠક વ્યવસ્થા કરવામાં આવી છે. સવારે ૯થી ૬.૩૦ દરમિયાન આરટીઓ ખુલ્લી રહેશે, શનિ-રવિમાં પણ કચેરી ખુલ્લી રહેશે.૨૧ માર્ચથી ૩૧ જુલાઈ સુધીમાં લર્નિંગ લાઇસન્સની મર્યાદા પૂરી થતી હોય તેવા અરજદારો ૩૧ જુલાઈ સુધી ટેસ્ટ આપી શકશે, વધારાની ફી નહીં ભરવી પડે.