અમલ / RTO દ્વારા લાયસન્સ મેળવવા માટે નવો નિયમ બહાર પડાયો

તેના માટે વાહનચાલકે  એન્ડોર્સમેન્ટ પ્રક્રિયા પૂરી કરવી પડશે. અત્યાર સુધી  લર્નિંગ લાઇસન્સ માટે માત્ર રૂ.૧૫૦ જે વાહન ચાલકે ભરવાના થતા હતા, તેની સાથે હવે ફરજિયાત  રૂ.૧૦૫૦ પણ ભરી દેવા પડશે.
 

આ નિયમના કારણે હવે પછી લાઈસન્સ કઢાવવા માટે કોઈપણ વાહન માલિક કે વાહનચાલકને રૂ.૧૦૫૦ એક મહિનો વહેલા આપી દેવા પડશે. જો કોઈ પણ વ્યક્તિ પાસે ટુ વ્હીલરનું લાયસન્સ હશે અને તેને રિક્ષા અથવા તો ફોર વ્હીલરનું  લાઈસન્સ કઢાવવું  હશે તો જે તે વાહનચાલક કે વાહનમાલિકને આ અંગે લાઈસન્સમાં ઉમેરો કરી અને ટેસ્ટ આપવો પડશે.

જો કે પહેલાં તેનું લર્નિંગ લાઇસન્સ નીકળશે અને ત્યાર પછી એક મહિના પછી પાકા લાઈસન્સ માટે તે ટેસ્ટ આપી શકશે. લર્નિંગ લાઇસન્સ છ મહિના વેલિડિટી ધરાવે છે. સૂત્રોનાં જણાવ્યા મુજબ કેટલાક વાહનચાલકો માત્ર લર્નિંગ ડ્રાઇવિંગ લાઇસન્સથી જ કામ ચલાવી લેતા હોવાનું તંત્રના ધ્યાને આવ્યું હતું.
 

તેઓ પાકું લાઇસન્સ કઢાવવા માટે બેદરકારી રાખતા હતા. હવે પાકા લાઇસન્સનું પેમેન્ટ  સાથે ભરી દેવું પડશે એટલે આવા અરજદારોની સંખ્યામાં ઘટાડો થશે.  આમ  સરકાર દ્વારા સુવિધાના નામે ઉમેદવારો પાસેથી એક મહિના પહેલા જ હવે રૂ.૧૦૫૦ વસૂલવાનું શરૂ કરવામાં આવ્યું છે.

આ નિયમ આજથી જ અમલી બનાવવામાં આવ્યો છે. પરંતુ જો કોઈપણ કારણસર વાહનચાલક કે વાહનમાલિક પાકું લાઈસન્સ ન કઢાવે અથવા તો  લાઈસન્સ કઢાવવા માટે અસફળ રહે તો તેના રૂ.૧૦૫૦ તેને જતા કરવા પડશે. આરટીઓ કચેરીમાં રોજ ર૦૦થી રપ૦ લોકો ફોર ‌વ્હીલરનું લાઈસન્સ કઢાવે છે. આખા રાજ્યમાં પ,૦૦૦ ફોર‌ વ્હીલરના દરરોજ ટેસ્ટ  આપે છે.