RTOમાં લાઈસન્સ સંબંધિત કામગીરી તો શરૂ થઈ ગઈ છે પણ કોરોનાના ભય વચ્ચે પણ અરજદારોની મુશ્કેલી ઘટવાનું નામ નથી લઈ રહી.લોકોને પાકાં લાઈસન્સ માટેની એપોઈન્ટમેન્ટ જ નથી મળી રહી અને લોકોએ ના છૂટકે ટાઉટનો સહારો લેવો પડી રહ્યો છે.
RTOમાં વાહનચાલકે પાકાં લાઈસન્સની ટેસ્ટ આપી લાઈસન્સ મેળવવા એપ્લાય કરવું હશે તો તમને ઓગસ્ટના છેલ્લાં અઠવાડિયાં પહેલાં એપોઈન્ટમેન્ટ મળી શકે એમ જ નથી. કેમ કે તમામ સ્લોટ ફૂલ છે. જોકે RTO પાકાં લાઇસન્સ માટેનું વેઈટિંગ ઓછું કરવા હવે રોજબરોજ ટેસ્ટની ક્ષમતા વધારવા આયોજન કરી રહ્યું છે.
RTO અને ITIમાં લર્નિંગ લાઇસન્સ અને પાકાં લાઇસન્સ કઢાવવા માટે બેથી ચાર મહિનાનું વેઈટિંગ ચાલી રહ્યું છે ત્યારે પાકાં લાઇસન્સ માટેનું વેઈટિંગ ઓછું કરવા હવે RTO ટેસ્ટની ક્ષમતા વધારવા આયોજન કરી રહ્યું છે. હાલ RTOમાં ડ્રાઈવિંગ ટેસ્ટ ટ્રેક પર રોજ અંદાજે ૨૦૦ જેટલાં બાઈક અને ૧૦૦ જેટલી કાર માટેના ડ્રાઈવિંગ ટેસ્ટ લેવામાં આવે છે, પરંતુ પ્રતિદિન ટેસ્ટની ક્ષમતા ૩૦૦થી વધારીને ૪૦૦ કરવા આયોજન કરાશે. જેથી વધુ વાહનચાલકોનાં લાઇસન્સ ઈશ્યૂ થઇ શકે અને હાલ ડ્રાઈવિંગ લાઇસન્સમાં જે વેઈટિંગની સ્થિતિ છે તે પણ ઓછી કરી શકાય. RTO પ્રતિદિન ડ્રાઈવિંગ ટેસ્ટ ટ્રેક પરના ટેસ્ટની ક્ષમતા વધારશે
હાલ ITIમાં લર્નિંગ લાઇસન્સ કઢાવવા માટે બે મહિનાનું વેઈટિંગ છે. કોઈ અરજદાર પાસે ડ્રાઈવિંગ લાઇસન્સ ન હોય અને નવું લાઇસન્સ કઢાવવા માટે ઓનલાઈન એપ્લાય કરવામાં આવે તો છેક સપ્ટેમ્બર-ઓક્ટોબર મહિનામાં એપોઇન્ટમેન્ટ મળી રહી છે. અને જેની પાસે લર્નિંગ લાઇસન્સ છે પરંતુ ડ્રાઈવિંગ ટેસ્ટ આપીને પાકું મેળવવાનું છે.એમાં પણ ઓક્ટોબર સુધી નંબર લાગે તેવું નથી. લોકડાઉનમાં ત્રણ મહિના RTO કચેરી બંધ રહેવાને કારણે હાલ એકસાથે મોટી સંખ્યામાં લોકો ડ્રાઈવિંગ લાઇસન્સ માટે ઓનલાઈન અરજીઓ કરી રહ્યા છે. જેના કારણે લાંબું વેઈટિંગ ચાલી રહ્યું છે. આ વેઈટિંગની સ્થિતિ નિવારવા RTO પ્રતિદિન ડ્રાઈવિંગ ટેસ્ટ ટ્રેક પરના ટેસ્ટની ક્ષમતા વધારશે. જેથી રોજ વધુને વધુ લોકો ટેસ્ટ આપીને લાઇસન્સ મેળવી શકે.