નિયમ / હવે RTO માં કોઈ કામ માટે જવાનું હોય તો આ નવી સિસ્ટમ જાણી લેજો, એજન્ટોને અટકાવવા પ્રયાસ

હવે એક વધુ પ્રયાસ તંત્ર દ્વારા હાથ ધરાઈ રહ્યો છે. જેના ભાગ રૂપે આરટીઓમાં ડ્રાઈવિંગ લાઇસન્સને લગતી કામગીરી સહિતની દરેક કામગીરી માટે અત્યાર સુધી એક જ વખતે એપોઈન્ટ્મેન્ટ લેતી વખતે અરજદારને ઓટીપી આવતો હતો ત્યારબાદ આગળની કામગીરી કરી શકાતી હતી. તેના બદલે હવે દરેક સ્ટેજ પર અરજદારને એક ઓટીપી મળશે. જે ઓનલાઇન સબમિટ કર્યા  બાદ જ જે તે સ્ટેજની આગળની કાર્યવાહી અરજદાર આગળ વધારી શકશે.
 

અત્યાર સુધી RTOમાં એજન્ટો દ્વારા અરજદારને માત્ર ફોટો પડાવવા તેમજ ડ્રાઇવિંગ ટેસ્ટ આપવા માટે આરટીઓમાં બોલાવવામાં આવતા હતા બાકીનાં તમામ કામ એજન્ટ દ્વારા જ પતાવી દેવામાં આવતાં હતાં. તેના માટે તેઓ એપોઈન્ટમેન્ટ લેતી વખતે એક જ વાર આવતો ઓટીપી નંબર લઈને બાકીનું કામકાજ કરી લેતા હતા, પરંતુ હવે આગામી ટૂંક સમયમાં જ એપોઈન્ટમેન્ટ, પેમેન્ટ, લર્નિંગ લાઇસન્સ અને ટેસ્ટ ટ્રેક પર જવા માટે પણ ઓટીપી ફરજિયાત કરાશે.
 

હવે તમામ કામગીરી સેન્ટ્રલાઇઝ અને ખાનગીકરણ તરફ લઈ જવા પ્રયાસ ભલે તંત્ર કરી રહ્યું હોય પરંતુ એજન્ટો કોઈ ને કોઈ રસ્તો શોધી લેવામાં પાવરધા હોય છે એજન્ટો અરજદારને દરેક તબક્કે ફોન કરીને ઓટીપી આસાનીથી મેળવી લેશે. આ નવી વ્યવસ્થાના કારણે અરજદારની હેરાનગતિ વધશે પરંતુ એજન્ટ રાજમાં કોઈ ફર્ક નહીં પડે તેવી ચર્ચા થઈ રહી છે.
 

અત્યારે  RTO (રિજિઓનલ ટ્રાન્સપોર્ટ કચેરી) માં સંપૂર્ણપણે એજન્ટ પ્રથા નાબૂદ કરવામાં આવેલ છે. નિયમ અનુસાર કર્મચારીઓને સરકારી ખર્ચે યુનિફોર્મનું કાપડ આપવામાં આવે છે, અને સિલાઇ ખર્ચ પણ અપાય  છે. પરંતુ કર્મીકે અધિકારીઓ નિયત ગણવેશ ઓફિસ અવર્સમાં ફરજ દરમ્યાન પહેરતા હોવાનું જણાયું નથી. સ્ટાફને ઓળખવાે પણ મુશ્કેલ બને છે. 

આર. ટી. ઓ. કચેરીમાં કામે જનાર વ્યકિતને કેમ્પસમાં પ્રવેશતાવેંત જ આસાનીથી એજન્ટનો ભેટો થઈ જાય છે કોને મળવું છે  શું કામ છે હું કરી આપું વગેરે પ્રશ્નો સાથે આરટીઓનાં બિલ્ડિંગમાં એજન્ટો ધામા નાખીને બેઠા જ હોય છે. ઓફિસ અવર્સ પૂર્ણ તે પછી એજન્ટ રોકાય છે.