RTI / RTIમાં ખુલાસો : વડોદરા મનપાના અધિકારીઓએ તમારા પૈસા શેની પાછળ વાપર્યા તે જાણીને આવશે ગુસ્સો

• 2009 થી 2019 સુધીમાં 36 મોબાઈલ ખરીદાયા
• 10 હજારથી 1 લાખ 15 હજારની કિંમતના મોબાઈલ
• સામાજિક કાર્યકરે કરેલી આરટીઆઈમા થયો ખુલાશો

વડોદરામાં મહાનગરપાલિકામાં જનતાના પૈસે પદાધિકારી માટે મોબાઈલ ખરીદવામાં આવ્યો હોવાનો ચોંકાવનારો ખુલાસો એક આરટીઆઈમાં કરવામાં આવ્યો છે. પ્રજાના પૈસે તાગડધીન્ના કરનારા અધિકારીઓ અને નેતાઓ પ્રજા સામે ખુલ્લા પડી ગયા છે. 

છેલ્લા 10 વર્ષમાં 36 મોબાઈલ ખરીદ્યા

છેલ્લા 10 વર્ષમાં 36 મોબાઈલ ખરીદવામાં આવ્યા છે. જેની પાછળ 14 લાખનો ખર્ચ કરવામાં આવ્યો છે. તો 21 મોબાઈલ સેન્ટ્રલ સ્ટોરમાં ધૂળ ખાય છે. 36માંથી 9 મોબાઈલ બાયબેક કરવામાં આવ્યા છે. મેયર, ડેપ્યુટી મેયર અને સ્ટેન્ડિંગ ચેરમેન માટે મોબાઈલની ખરીદી કરવામાં આવી છે. એટલું જ નહીં વિપક્ષના નેતા અને સભા સેક્રેટરી માટે પણ મોબાઈલ ખરીદવામાં આવ્યા છે. 

2009થી 2019 સુધીમાં 36 મોબાઈલની ખરીદી કરવામાં આવી છે. આ મોબાઈલની કિંમત 10 હજારથી 1 લાખ 15 હજારની કિંમત છે. સામાજિક કાર્યકરે કરેલી RTIમાં આ તમામ ખુલાસાઓ થયા છે. 10 વર્ષ મા 36 મોબાઈલ ખરીદવામા આવ્યા છે. મોબાઈલ પાછળ 14 લાખનો ખર્ચ કરવામા આવ્યો છે. 21 મોબાઈલ સેન્ટ્રલ સ્ટોરમાં ધુળ ખાય છે. જ્યારે 36માંથી માત્ર 9 મોબાઈલ બાયબેક કરવામા આવ્યા હતા. 

કોણે કોણે ખરીદ્યા મોબાઈલ

મેયર, ડેપ્યુટી મેયર,સ્ટેન્ડિંગ ચેરમેન માટે મોબાઈલ ખરીદ્યા હતા. વિપક્ષ નેતા અને સભા સેક્રેટરી માટે પણ મોબાઈલ ખરીદવામાં આવ્યાં હતા.