ફૂડ કોર્પોરેશન ઓફ ઈન્ડિયા (FCI)માં આસિસ્ટન્ટ મેનેજર તરીકે નોકરી કરતી વ્યક્તિ દ્વારા તેમની કચેરીની કેટલીક વ્યક્તિોને આ૫વામાં આવેલા કરપ્શન વગેરે બાબતના તહોમત૫ત્ર અને તે અંગે થયેલા આખરી હુકમ અંગેની માહિતી મંગાઇ હતી, જેના અનુસંધાને FCI કચેરી દ્વારા આ માહિતી અંગત હોવાથી આપી શકાય તેમ નથી તેવું જણાવીને તે અરજી નકારવામાં આવી હતી. આ બાબતે કેન્દ્રીય માહિતી આયોગ સમક્ષ અપીલ થતાં CICA તેના તા.ર૪-૧૦-૧૬ના હુકમથી આ તમામ માહિતી અરજદારને આ૫વા માટેનો હુકમ કર્યો હતો અને આ અંગે જરૂર ૫ડે તો કલમ-૫(૪) મુજબ અન્ય જાહેર માહિતી અધિકારીને ૫ણ વિનંતી કરી મદદ મેળવવા જણાવ્યું હતું.
CICના માહિતી આ૫વા માટેના હુકમ સામે સરકારી કચેરી દ્વારા દિલ્હી હાઈકોર્ટ માં અપીલ દાખલ કરવામાં આવી હતી, જેનો ચુકાદો ન્યાયાધીશ સુરેશકુમારે આપ્યો છે.
હાઇકોર્ટ સમક્ષ સરકારી કચેરીના વકીલે જણાવ્યું હતું કે ગિરીશચંદ્ર દેશપાંડે વિરુદ્ધ સેન્ટ્રલ ઈન્ફર્મેશન કમિશનર અને અન્ય (૨૦૧૩), થલપ્પલમ સર્વિસ કો-ઓપરેટિવ બેન્ક લિમિટેડ અને અન્ય વિરુદ્ધ કેરળ રાજ્ય (૨૦૧૩)ના કેસમાં જાહેર હિત સમાયેલ હોય તો જ અંગત માહિતી જાહેર કરી શકાય તથા જાહેર હિત સાથે સમાયેલ ના હોય તેવી માહિતી આપી શકાય નહીં, અદાલતે આ અરજદાર આ જ સરકારી કચેરીમાં નોકરી કરતા હતા અને તેઓ દ્વારા કરપ્શન બાબતે અવાજ ૫ણ ઉઠાવાયેલ છે તથા કરપ્શન ના થાય તે માટે તેઓએ કેટલાંક સજેશન ૫ણ કરેલ છે અને જ્યારે સરકારનાં નાણાંના ઉ૫યોગથી આ સંસ્થા ચાલે છે તેમાં કરપ્શન સામે લડવા માટે વિજિલન્સ સ્ટાફ છે અને તે દરેક જિલ્લા લેવલે ૫ણ છે તેમ છતાં અરજદાર તરફથી કેટલાય કિસ્સા કરપ્શન અંગેના રજૂ થયેલ છે અને તેના તાર્કિક નિર્ણય તરફ આવવા માટે તેમની પાસે માહિતી હોવી જરૂરી છે.
જો કે જે તે વ્યક્તિના ઇન્કમટેક્સ બાબતની માહિતી સ્વભાવિક રીતે કલમ-૮(૧) હેઠળની હોઇ તે બાબતે જાહેર માહિતી અધિકારીને જાહેર હિતમાં તે આ૫વાનું યોગ્ય જણાય તો જ આ૫વાની રહે છે.
અરજદારની અરજીઓના આધારે કરપ્ટેડ વ્યક્તિઓ સામે તે કચેરીમાં કામગીરી થયેલ છે અને ચાર્જશીટ ૫ણ આપેલ છે તેમ છતાં તેવી વિગતો અરજદારને આ૫વામાં આવેલ નથી તથા આ માહિતી આ૫વાનો ઇનકાર કરવાથી ભૂલ કરનાર વ્યક્તિઓ સામે ૫ગલાં ભરવામાં વધુ વિલંબ થશે અને દરેક જાણે છે કે કરપ્ટેડ વ્યક્તિઓનાં જોડાણ હોય છે. આ સુનાવણી દરમ્યાન અગાઉ આ પ્રકારની માહિતી અરજદારને આ૫વામાં આવેલ હોઇ આ માહિતી નહીં આ૫વી એ અન્યાય ગણાશે. કરપ્શન અને તે કરતી વ્યક્તિઓને ખુલ્લી પાડવા માટે અરજદારે માગેલ માહિતી અંગત માહિતી ગણી શકાય નહીં તેવો આદેશ કરી સરકારી કચેરી FCI દ્વારા દાખલ કરેલી અપીલ રદ કરી દીધી હતી.