ભારતીય રિઝર્વ બેઁકે રિયલ ટાઇમ ગ્રોસ સેટલમેન્ટ સુવિધાને લઇને હાલમાં જ એક મોટો મહત્વનો નિર્ણય લીધો છે જેનાથી ડિજીટલ લેવડદેવડ કરનારા લોકોને ખૂબ મોટી રાહત થશે. રૂપિયા ટ્રાન્સફર કરવાની આ સુવિધા હવે 24 કલાક સુધી ચાલુ રહેશે. આજે રાત્રે 12.30 વાગ્યાથી આ સુવિધા 24 કલાક માટે અમલમાં મુકવામાં આવશે.
બેઁકની આ સુવિધા 24 કલાક રહેશે ચાલુ
ભારતીય રિઝર્વ બેઁકની મહત્વની જાહેરાત
ડિજીટલ લેવડ દેવડ કરનારા લોકોને રાહત
ક્યારે શરૂ થઇ હતી આ સુવિધા
RTGSની આ સુવિધા 26 માર્ચ 2004ના રોજ શરૂ કરવામાં આવી હતી. પહેલા આ સેવા માત્ર 4 બેઁકમાં જ ઉપલબ્ધ હતી હવે 237 બેઁક તેમજ નાણાકીય સંસ્થાઓ સાથે સંકળાયેલી છે. આ સુવિધાને કારણે રોજ 4.17 લાખ કરોડ રૂપિયાની લેવડ દેવડ થાય છે.
RBIએ લીધો મહત્વનો નિર્ણય
ભારતીય રિઝર્વ બેઁકના જણાવ્યા અનુસાર 14 ડિસેમ્બર મધ્યરાત્રિથી જ આ સુવિધા અમલમાં મુકવામાં આવશે. હવે RTGS સુવિધા દરેક સમયે તમારા માટે ઉપલબ્ધ રહેશે. પહેલા આ સુવિધા માત્ર 4 બેઁક માટે ઉપલબ્ધ હતી પરંતુ હવે તે 237 બેઁક માટે ઉપલબ્ધ રહેશે.
પહેલા હતી આ સુવિધા
પહેલા RTGSની સુવિધા સવારે 7 વાગ્યાથી સાંજના 6 વાગ્યા સુધી ઉપલબ્ધ રહેતી હતી, બેઁકના સમય અને કામના દિવસોમાં જ તમે આ સુવિધાનો ઉપયોગ કરી શકતા હતા અને શનિવારે આ સુવિધા માત્ર 2 વાગ્યા સુધી જ ઉપલબ્ધ હતી. સાથે જ બીજા અને ચોથા શનિવારે તેમન બેઁક અને સાર્વજનિક રજાના દિવસે પણ કોઇ પ્રકારની લેવડ દેવડ થતી નહોતી. આજ રાત્રે સાડા બાર વાગ્યાથી આ સેવા 24 કલાક અને 365 દિવસ માટે ઉપલબ્ધ રહેશે.