RTE અંતર્ગત ધોરણ 1થી 8માં અભ્યાસ માટે વિદ્યાર્થીની સ્કૂલ ફી, પુસ્તક અને યુનિફોર્મનો ખર્ચ રાજ્ય સરકાર દ્વારા આપવામાં આવે છે. ત્યારે સમગ્ર ગુજરાતમાં RTEમાં પ્રવેશ માટે 29 ઓગસ્ટ સુધીમાં ઓનલાઈન ફોર્મ ભરવામાં આવ્યા હતા. કોરોના વાયરસની મહામારીને કારણે આ વખતે પ્રક્રિયા ઓનલાઇન કરવામાં આવી હતી. ત્યારે હવે RTEમાં પ્રવેશને લઇને તારીખ જાહેર થઇ છે.
RTEમાં પ્રવેશને લઇને મહત્વના સમાચાર
11 સપ્ટેમ્બરે પ્રથમ રાઉન્ડમાં વિધાર્થીઓને અપાશે પ્રવેશ
29 ઓગસ્ટ સુધી અરજીઓ સ્વીકારવામાં આવી હતી
રાજ્યમાં રાઇટ ટુ એજ્યુકેશન હેઠળ ધોરણ-1 માટે ખાનગી શાળાઓમાં પ્રવેશને લઇને તારીખ જાહેર કરવામાં આવી છે. 11 સપ્ટેમ્બરે પ્રથમ રાઉન્ડના વિદ્યાર્થીઓને પ્રવેશ આપવામાં આવશે. આ અંગેની 29 ઓગસ્ટ સુધી અરજીઓ સ્વીકારવામાં આવી હતી.
RTE હેઠળ કાયદાની જોગવાઇ પ્રમાણે ગરીબ પરિવારના બાળકો પાસેથી કોઇપણ શિક્ષણ સંસ્થા ફી ઉઘરાવી શકશે નહીં. તેમને વિનામૂલ્યે પ્રવેશ આપવાનો થાય છે. રાજ્યના જે ગરીબ પરિવારો તેમના બાળકોને ખાનગી સ્કૂલોમાં ધોરણ-1માં પ્રવેશ કરાવવા માગતા હોય તેઓ RTE હેઠળ અજી કરે છે. જોકે 19થી 29 ઓગષ્ટ સુધી rte.orpgujarat.com નામની વેબસાઇટ પર આવેદન કરવાની અંતિમ તારીખ હતી.
આદેશમાં જણાવવામાં આવ્યું હતું કે 31મી ઓગસ્ટથી 7મી સપ્ટેમ્બર સુધીમાં જિલ્લા કક્ષાએ ઓનલાઇન ફોર્મની ચકાસણી કરી એપ્રૂવ કે રીજેક્ટ કરવાની પ્રક્રિયા હાથ ધરવી અને પ્રવેશ પ્રક્રિયામાં 11 સપ્ટેમ્બરે પ્રથમ રાઉન્ડ જાહેર કરાશે. આ કાયદા પ્રમાણે અગ્રતાના ધોરણે પ્રવેશ આપવાનો થાય છે.