નવી દિલ્હી / રાહુલ ગાંધીએ PMના ભાષણનો એવો વીડિયો ટ્વિટ કર્યો કે તમે પણ કહેશો મોદી ખોટું બોલે છે

• આસામમાં ડિટેન્શન સેન્ટર મામલે રાહુલ ગાંધીના PM પર પ્રહાર
• RSSના પ્રધાનમંત્રી ભારત માતા સાથે ખોટું બોલે છે
• રાહુલ ગાંધીએ PM નરેન્દ્ર મોદી પર કર્યો પ્રહાર 

રાહુલ ગાંધીએ પોતાના ટવિટની સાથે #JhootJhootJhoot હૈશટેગનો ઉપયોગ કર્યો છે. આ સાથે રાહુલ ગાંધીએ આસામમાં તૈયાર થઇ રહેલા ડિટેન્શન સેન્ટરનો વીડિયો શેર કર્યો છે. આ સાથે પ્રધાનમંત્રી નરેન્દ્ર મોદીનું એ ભાષણ પણ ટવિટ કર્યું છે જેમાં પીએમ મોદીએ કહ્યું હતું કે દેશમાં એક પણ ડિટેન્શન સેન્ટર નથી. 
 

RSS का प्रधानमंत्री भारत माता से झूठ बोलता हैं ।#JhootJhootJhoot pic.twitter.com/XLne46INzH

— Rahul Gandhi (@RahulGandhi) December 26, 2019

પીએમ મોદીએ દિલ્હીની રેલીમાં આપ્યું હતું નિવેદન

ઉલ્લેખનીય છે કે દેશની રાજધાની દિલ્હી ખાતેની રેલીમાં પ્રધાનમંત્રી નરેન્દ્ર મોદીએ નાગરિકતા સંશોધન, નેશનલ રજિસ્ટર ઓફ રજિસ્ટર પર નિવેદન આપ્યું હતું. આ દરમિયાન પીએમ મોદીએ કહ્યું હતું કે હવે જે લોકો ભ્રમમાં છે તેમને જણાવું છે કે કોંગ્રેસ અને અર્બન નક્સલીઓ દ્વારા ઉડાવવામાં આવેલ ડિટેન્શન સેન્ટરની અફવા ખોટી છે. દેશને તબાહ કરનાર નાપાક ઇરાદાઓથી ભરેલી છે. આ ખોટું છે, ખોટું છે અને ખોટું છે. 

ઉલ્લેખનીય છે કે એક બાજુ જ્યારે પ્રધાનમંત્રી નરેન્દ્ર મોદીએ દાવો કર્યો હતો કે દેશમાં એક પણ ડિટેન્શન સેન્ટર નથી, ત્યારે બીજી તરફ આસામમાં દેશના  પહેલા સૌથી મોટા ડિટેન્શન સેન્ટર પર કામ જારી હોવાનું બહાર આવ્યું છે. 

મુખ્તાર અબ્બાસ નકવીએ રાહુલ ગાંધી પર કર્યો પલટવાર

રાહુલ ગાંધીના ટવિટ પર ભાજપ નેતા મુખ્તાર અબ્બાસ નકવીએ પલટવાર કર્યો છે. નકવીએ કહ્યું છે કે રાહુલ ગાંધીને ભારત માતા યાદ આવી, આ આશ્ચર્યની વાત છે કારણ કે તેમના માટે એક જ માતા છે. જે સાપ-સીડીની આ રમત રમી રહ્યાં છે, તેમાં તેઓ ઉંધા મોએ પછડાટ ખાશે. આ લોકોએ પહેલા CAA પછી NRC પછી NPR  પર સવાલ ઉભા કર્યા છે. આ ભય અને ભ્રમનું ભૂત ઉભો કરવાનો પ્રયત્ન કરી રહ્યાં છે.