પોલીસના જણાવ્યા અનુસાર આરએસએસ પ્રમુખ મોહન ભાગવત ચંદ્રપુરથી નાગપુર જઇ રહ્યાં હતા. ઉલ્લેખનીય છે કે સંઘ પ્રમુખ મોહન ભાગવતને ઝેડ કેટેગરીની સુરક્ષા પ્રાપ્ત છે. પોલીસના કહેવા અનુસાર આ દૂર્ઘટના વરોરા વિસ્તારમાં ત્યારે ઘટી જ્યારે રોડ પર ઉભેલી એક ગાયને બચાવવા જવામાં મોહન ભાગવતાના કાફલાની એક કાર પલટી ખાઇ ગઇ.
ગાયને બચાવવા માટે કારના ડ્રાઇવરે બ્રેક લગાવી ત્યારે જ કારનું એક ટાયર ફાટી ગયું. ત્યારબાદ કાર પરનો કાબુ ગુમાવી દેતાં કાર પલટી ખાઇ ગઇ. જો કે આ દૂર્ઘટના પહેલાં જ સંઘ પ્રમુખ મોહન ભાગવતની કાર ત્યાંથી જતી રહી હતી, પરંતુ કાફલામાં સામેલ એક બીજી કાર દૂર્ઘટનાગ્રસ્ત થઇ ગઇ.
આ એસયૂવી કારમાં સીઆઇએસએફના છ જવાન સવાર હતા. જેમાંથી એક જવાનને ઇજા પહોંચી છે. ઘાયલ જવાનને ઇલાજ માટે નાગપુરની હોસ્પિટલમાં ખસેવડાવામાં આવ્યાં છે.
