છેલ્લા 5 વર્ષમાં PM મોદીએ અનેક વિદેશયાત્રાઓ કરી છે. આ યાત્રાઓમાં તેઓએ કરોડો રૂપિયાનો ખર્ચ કર્યો છે. દેશના પ્રધાનમંત્રી નરેન્દ્ર મોદીના વિદેશ પ્રવાસ પર વિપક્ષ અનેકવાર સરકાર પર નિશાન સાધતા હોય છે. આવા જ એક સવાલના જવાબમાં વિદેશ મંત્રાલયે લોકસભામાં PM મોદીના 5 વર્ષના વિદેશ પ્રવાસ પાછળના ખર્ચનો આંકડો જાહેર કર્યો છે. જેમાં જણાવ્યું છે કે છેલ્લા પાંચ વર્ષમાં પીએમ મોદીની વિદેશયાત્રા પર 446.52 કરોડ રૂપિયા ખર્ચ કર્યા છે.
વિદેશ મંત્રાલયે 5 વર્ષના પ્રવાસ ખર્ચના આંકડા જાહેર કર્યા
વિદેશયાત્રા માટે કયા વર્ષમાં કેટલો ખર્ચ કરાયો
આ પાંચ વર્ષમાં 446.52 કરોડ રૂપિયા વિદેશ પ્રવાસમાં વાપરવામાં આવ્યા છે. વિદેશ પ્રવાસના ખર્ચમાં ચાર્ટડ ફ્લાઈટની કિંમત પણ સામેલ છે. 2015-16માં PMના વિદેશ પ્રવાસ પાછળ 121.85 કરોડનો ખર્ચ થયો છે. જ્યારે 2016-17માં 78.52 કરોડનો ખર્ચ થયો હતો. જ્યારે 2017-18માં 99.90 કરોડનો ખર્ચ થયો હતો. જ્યારે 2018-19માં આ ખર્ચ 100.02 કરોડ અને 2019-20માં આ ખર્ચ 46.23 કરોડ રૂપિયા થયો છે. લોકસભામાં વિદેશ રાજ્યમંત્રીએ કહ્યું કે આ ખર્ચમાં તેમનો ચાર્ટર્ડ ફ્લાઈટનો ખર્ચ પણ સામેલ છે.
મનમોહન સિંહે વિદેશપ્રવાસ માટે ખર્ચ કર્યા હતા આટલા રૂપિયા
આ પહેલાં વર્ષ 2019માં પણ આંકડા આવ્યા હતા ત્યારે 44 વિદેશયાત્રાઓ માટે કુલ 443.4 કરોડ રૂપિયાનો ખર્ચ કરવામાં આવ્યો હતો. મનમોહન સિંહે પોતાના કાર્યકાળમાં 38 વિદેશયાત્રાઓ કરી અને તેના માટે કુલ 493.22 કરોડ રૂપિયાનો ખર્ચ કર્યો હતો.