ગાંધીનગર / સરકારી ગોડાઉનમાંથી ચોરાયા લાખોની કિંમતના પાઠ્યપુસ્તક, ચોરી કે કૌભાંડ..?

• સરકારી ગોડાઉનમાંથી પાઠ્યપુસ્તકોની ચોરી!!!
• 14 લાખના ચોરાયાં પુસ્તકો
• ચોરી થઈ કે થઈ સોદાબાજી?

રાજ્યની સરકારી શાળાઓમાં અભ્યાસ કરતા વિદ્યાર્થીઓને મફત આપવામાં આવતા પુસ્તકોને પણ છોડવામાં આવ્યા નથી. તો ક્યાંથી થઈ ચોરી અને કેમ હજુ સુધી ઝડપાયા નથી આરોપીઓ. 

42 લાખના પુસ્તકોની ચોરી 

આપ જે ગોડાઉન જોઈ રહ્યા છો. તે ગોડાઉનમાં બાળકોના ભાવીનુ ઘડતર કરતું સાહિત્ય સાચવામાં આવે છે. એટલે કે રાજ્યસરકારના પાઠ્યપુસ્તક મડળના દ્વારા ધોરણ 1 થી 12માં ધોરણ સુધીના પુસ્તકો સાચવામાં આવે છે. ગાંધીનગર શહેરના સેક્ટર 25માં પાઠ્યપુસ્તક મંડળનું વર્ષો જૂનું ગોડાઉન આવેલું છે. આ  ગોડાઉનમાંથી આશરે 42 લાખના પુસ્તકોની ચોરી થઇ હોવાની ઘટના પ્રકાશમાં આવી છે. ચોરીની ઘટના અંગે સેક્ટર 21 પોલીસ સ્ટેશનને જાણ કરવામાં આવી હતી. જો કે, ગોડાઉન ફરતે ઊંચી દિવાલ અને સુરક્ષાકર્મીઓની સતત હાજરી બાદ પણ આટલી મોટી સંખ્યામાં પુસ્તકોની ચોરી કઈ રીતે થઈ તે વાતનું રહસ્ય સર્જાયું છે.  

ત્રણ અધિકારીઓ શંકાના ઘેરામાં 

આપને જણાવી દઈએ કે, ગોડાઉનમાંથી પુસ્તકો ચોરાયા છે તે બાબતની જાણ મંડળના તમામ અધિકારીઓને છે. વળી એક નનામા પત્ર દ્વારા મંડળના ત્રણ અધિકારી સામે શંકા પણ વ્યક્ત કરવામાં આવી છે. પરંતુ તેમની સામે કોઇ કાર્યવાહી કરવામાં આવતી નથી. તો બીજી તરફ પોલીસ પણ તપાસ કરવામાં સુસ્ત વલણ દાખવી રહી છે. 

પોલીસ ઢીલું વલણ દાખવી રહી છે

નોંધનીય છે કે, ગત 8 નવેમ્બરના રોજ રાત્રે ધોરણ 11-12 સાયન્સના પુસ્તકોની ચોરી થઈ હતી, જેની 9 નવેમ્બરના રોજ સેક્ટર 21 પોલીસ સ્ટેશનમાં અરજી અપાઈ હતી. ત્યારબાદ 27 નવેમ્બરે સ્ટોરના મેનેજર જે.એલ ખરાડી ફરિયાદ કરવા પોલીસ સ્ટેશન ગયા. પોલીસ સ્ટેશના અધિકારીઓ દ્વારા તેમને 30 નવેમ્બરે સિક્યુરિટી ગાર્ડ સાથે આવવા કહ્યું હતું. 30 નવેમ્બરે મનેજર ફરી વાર ફરિયાદ દાખલ કરવા ગયા. તો પોલીસ રૂબરૂ સ્થળ તપાસ કરી ફરિયાદ નોંધવામાં આવશે તેમ કહીને મેનેજરને રવાના કરી દેવામાં આવ્યા. પાઠય પુસ્તક મંડળના પ્રમુખનું પણ કહેવું છે કે, ફરિયાદની તપાસ કરવામાં પોલીસ ઢીલું વલણ દાખવી રહી છે.

સરકારી ગોડાઉનમાંથી લાખોના પુસ્તકોની ચોરીને લઇ ઉઠ્યા સવાલ 

આ ગોડાઉનમાંથી થયેલી પાઠયપુસ્તકોની ચોરીએ અનેક શંકાઓ જન્માવી છે. ગોડાઉનના સિક્યુરિટી ગાર્ડના કહેવા મુજબ ગોડાઉનમાં સીસીટીવી કેમેરા કે લાઇટની પણ નથી વ્યવસ્થા નથી. તો સવાલ એ થાય છે કે, જ્યાં આટલા કિંમતી પુસ્તકો રાખવામાં આવતા હોય ત્યાં લાઈટ કે સીસીટીવી કેમેરાની વ્યવસ્થા કેમ કરાઈ ન હતી?  સવારે બે અને રાત્રે બે ગાર્ડની નજર ચૂકવીને ચોર કેવી રીતે ચોરી કરી ગયા? 42 લાખ રૂપિયાના પુસ્તકો લઈ જવા માટે 7 ટ્રકની જરૂર  પડે. સુરક્ષાકર્મીઓએ ગેરકાયદે ટ્રક જોયા હતા કે નહીં ? પુસ્તકોનો આટલો વિશાળ જથો ગેરકાયદે ફેરવાઈ રહયો્ હોય અને  પાઠયપુસ્તક મંડળના અધિકારીઓને ખબર પણ ન પડે તે કેમ બને? કેમ કે, આટલો મોટો જથો એમ એક દિવસમાં ફરી શકે? શું ખરેખર ચોરી થઈ છે કે પછી મિલીભગતથી મોટા કૌભાંડને અંજામ અપાયો છે? 

જો કે હવે પોલીસે દબાણ વધતા પાઠયપુસ્તક ચોરી મામલે તપાસ શરૂ કરી છે. પોલીસે અધિકારીઓના જવાબો લેવાનું શરૂ કર્યું છે. ત્યારે આશા રાખીએ કે  કાંતો ચોર ઝડપાશે કાંતો કૌભાંડીઓના નામ બહાર આવશે.